Búginde «Jambyl oblysy jastar uıymdarynyń Qaýymdastyǵy» zańdy tulǵalar birlestiginiń uıytqy bolýymen tolaıym tirlikter atqarylýda. Olardyń deni jastar saıasatyn ońtaılandyrý men qorshaǵan ortaný qorǵaýǵa baǵyttalýda, dep jazady Qamshy.kz aqparat agenttigi.  Atap aıtsaq, «Ekologıalyq aǵartý jáne nasıhattaý boıynsha is-sharalar ótkizý» atty memlekettik áleýmettik tapsyrysty oryndaý maqsatynda qorshaǵan ortany qorǵaý máselelerine qoǵamnyń nazaryn aýdarý úshin 4 áleýmettik beınerolık ázirlengen.

Atalǵan beınerolıkter Súleımenov kóshesinde ornalasqan «Jastar aleıasyndaǵy» LED-ekranda jáne jergilikti telearnada kórsetilýde. Qorshaǵan ortany qorǵaý máselelerine qoǵamnyń nazaryn aýdarý úshin atalǵan beınerolıkterdi áleýmettik jelilerge (feısbýk, ınstagramm, ıýtýb) salyndy. Búgingi kúnge deıin 5000-ǵa jýyq qaralym jınady.

Sondaı-aq «Jambyl oblysy jastar uıymdarynyń Qaýymdastyǵy» zańdy tulǵalar birlestigi men Jambyl oblystyq pikirsaıys odaǵy «Erkin Pikir» jastar qoǵamdyq birlestiginiń uıymdastyrýymen «Ekologıalyq aǵartý jáne nasıhattaý boıynsha is-sharalar ótkizý» atty memlekettik áleýmettik tapsyrys aıasynda Ekologıalyq tárbıe berý boıynsha Taraz qalasy ákimdigi İshki saıasat bóliminiń «Jastar resýrstyq ortalyǵy» KMM-men birlese 7 móltek aýdanydaǵy kanaldyń jan-jaǵyn tazalaý flesh-moby uıymdastyryldy. Flesh-mobqa Taraz qalasynyń NEET-sanattyndaǵy 50-ge jýyq jastar qatystyryldy. Shara barysynda aǵyn sýǵa tastalǵan zattar jınastyrylyp, qoqysqa toly kanaldyń beti tazalandy.

Odan bólek «Ekologıalyq aǵartý jáne nasıhattaý boıynsha is-sharalar ótkizý» atty memlekettik áleýmettik tapsyrys aıasynda 06.09.19 j. Skverler men parkterdi kóriktendirý maqsatynda Taraz memlekettik pedagogıkalyq ýnıversıtetiniń Jastar isi jónindegi komıtetimen birlesip, «Qarahan baba» kesenesiniń aýmaǵy kóriktendirildi. Sharaǵa 100-ge jýyq USTAZ ýnıversıtetiniń stýdentteri qatysty.

«Qaǵaz jáne maqta paketteriniń paıdasyna polıetılen paketterin paıdalanýǵa tyıym salý» atty oblystyq stýdenttermen oqytýshylar arasyndaǵy pikirsaıys týrnıri de ótti. Dodada I-oryn "Papına dochka" Kúltóbe pikir saıys klýby (PK) Shambyl Shuǵa men Raıkýlov Qanat, II-oryn "Sarapshylar" Kúltóbe PK Asqar Bekbolat pen Malıktaeva Pernesh, III-oryn "Jameco" PK Serik Muhammedjan men Sáýlebaı Almaz ıelense, "Úzdik tóreshi": Sábıt Erzat atansa, "Alǵyrlar" PK Oqytýshylar arasynda "Úzdik spıker": Sáýlebaı Almaz "Jameco" PK atandy.