Bishkekte 13-14 qarashada Qyrǵyz Respýblıkasyndaǵy Qazaqstan medısınasynyń kúnderi bolyp ótti. Bul is-shara Qazaqstan jáne Qyrǵyzstannyń medısınalyq uıymdarynyń arasyndaǵy seriktestik pen ózara qarym-qatynasty nyǵaıtýǵa baǵyttalǵan.

Qazaqstandyq delegasıanyń quramynda QR Densaýlyq saqtaý mınıstrliginiń, jetekshi medısınalyq ortalyqtardyń, memlekettik jáne jeke densaýlyq saqtaý uıymdarynyń, JOO-lardyń, farmasevtıkalyq ónimderdi óndirýshilerdiń, medısınalyq qoǵamdardyń jetekshi mamandary bar. Qazaqstandyq delegasıanyń basshysy – QR Densaýlyq saqtaý mınıstri Eljan Birtanov.

A.N.Syzǵanov atyndaǵy Ulttyq ǵylymı hırýrgıa ortalyǵyn basqarma tóraǵasynyń mindetin atqarýshy Baımahanov Bolatbek Bımendeuly tanystyrdy. Bolatbek Beımendeuly joǵary deńgeıdegi osy sesıada «Qazaqstan Respýblıkasyndaǵy organdyq transplantasıa» taqyrybynda baıandama jasady. Sondaı-aq, A.N.Syzǵanov atyndaǵy Ulttyq ǵylymı hırýrgıa ortalyǵy Qyrǵyz Respýblıkasy Densaýlyq saqtaý mınıstrliginiń Ulttyq hırýrgıa ortalyǵymen, Qyrǵyzstan gepatologtar qaýymdastyǵymen, Qyrǵyz Respýblıkasynyń Ana men balany qorǵaý ulttyq ortalyǵymen seriktestik týraly memorandýmǵa qol qoıdy. Osy eki jaqty seriktestik pen yntymaqtastyq týraly memorandým Qazaqstan men Qyrǵyzstan arasyndaǵy áriptestiktiń  damýyna, sonymen qatar medısınalyq uıymdardyń ıntellektýaldyq jáne ınovasıalyq resýrstarynyń artýyna yqpal etedi.

Atalmysh is-sharanyń ekinshi kúni «Gepatologıanyń ózekti máseleleri» taqyrybynda sheberlik sabaqtary ótkizildi. A.N. Syzǵanov atyndaǵy Ulttyq ǵylymı hırýrgıa ortalyǵynyń profesory İlıasova Bıbigúl Saparbekqyzy mynadaı taqyryptarda baıandama usyndy:

1. Qazaqstandaǵy V vırýstyq gepatıtiniń jáne delta-agenti bar V vırýstyq gepatıtiniń kúsheıý faktorlary.

2. Transplantasıalyq gepatologıanyń máseleleri. Negizgi nátıjeler.

3. Qyrǵyzstandaǵy gepatologıanyń ózekti máseleleri.

Sondaı-aq A.N. Syzǵanov atyndaǵy UǴHO-nyń mamandary baýyr aýrýlaryna shaldyqqan naýqastarǵa tegin konsýltasıalar uıymdastyrdy. Keıbir klınıkalyq jaǵdaılar qarastyryldy.