Almaty qalalyq Jasyl ekonomıka basqarmasy aryq jelileriniń kartasyn jasaýǵa baıqaý jarıalady.

 «Qalada 1200 shaqyrym aryq jelisi bar. Olardyń ishinde 1100 shaqyrym aryq jelisi aýdandyq ákimdikterdiń qaraýynda jatyr. Qalǵan aryq jelisi ıesiz jatyr. Almatynyń terıtorıasy keńeıgende biraz shaqyrym aryq jelisi áli balansqa alynǵan joq. Olardyń barlyǵyna ınventarızasıa júrgizilip jatyr. Aldaǵy ýaqytta balansqa alynady», - dedi ol.

Onyń aıtýynsha, sońǵy 3 jylda 300 shaqyrym aryq jelisi qaıta jóndelgen. Bul jumystardyń arqasynda sý alý qaýpi 3 ese tómendedi. Byltyr 54 shaqyrym aryq salynsa, bıyl aýdandyq ákimdikter 30 shaqyrym aryq jelisin jóndeýmen aınalysyp jatyr.

«Bul jetkiliksiz, árıne. Bıyl arnaıy baıqaý jarıalanady. Joba boıynsha 370 shaqyrym aryq jelisin salý josparlanyp otyr. Aryq jelilerin ınventarızasıalaýǵa jarıalanǵan baıqaý bizge túıtkildi tustardy anyqtaýǵa múmkindik beredi. Kelesi jylǵa joba aıaqtalsa, saraptamadan ótkizip, jumysty tolyq bastaımyz», - dedi ol.