Genderlik teńdikke baǵyttalǵan ıpotekalyq ónim elimizde a alǵash ret ázirlenip otyr, – dep Qamshy.kz aqparat agenttigi habarlaıdy.

Azıa damý banki "Genderlik teńdikke turǵyn úıdi qarjylandyrýda járdemdesý" jobasy aıasynda turǵyn úı qurylys jınaq bankine 100 mıllıon dollar kredıt beredi.

Qaryz týraly kelisim ulttyq ekonomıka mınıstri Rýslan Dálenov pen ADB prezıdenti Takehıko Nakaonyń kezdesýinde bekitildi.

"ABD Turǵyn úı qurylys jınaq bankimen múlde jańa jobaǵa qol qoıdy. Tek qana áıelderge jeńildetilgen kredıt usynylady. Meniń bilýimshe, 12%-ke deıin. Mundaı jobalar qazir suranysqa ıe. Genderlik qarjylandyrý, shynymen, ózekti másele, biz ony damytatyn bolamyz", - dep úkimet saǵatynda Dálenov málim etti.

 Ipoteka kimderge beriledi

Qoljetimdi qarjylandyrýdy 3 myńnan asa áıel paıdalana alady.

ADB qaryzynyń 60%-ten astamy aýyl áıelderine beriledi. Kem degende 20%-i – tabysy tómen áıelderge usynylady, delingen Azıa damý bankiniń habarlamasynda.

Eske salsaq, osyǵanǵa deıin ADB Qazaqstanda erlerge qaraǵanda áıelderge qoljetimdi ıpoteka alý qıynyraq ekenin málimdegen edi. Al oǵan áıelder jalaqysynyń tómen bolýy sebep eken.