Oblys aýmaǵyndaǵy Shoqpaq ýchaskesinde poleozoı dáýirindegi jynystan, Úlken Qarataý taýaralyq oıysynda alǵash ret taıaý tereńdikte ornalasqan munaı tabylǵan.

İzdeý-túsirý ekspedısıasy Úlken Qarataý Leontev oıysyndaǵy geofızıkalyq aýytqýlarǵa boksıt keni jáne onymen baılanysty qorǵasyn, myrysh izdeý úshin zertteý júrgizgen. Osy maqsatta 300 metrge deıingi tereńdiktegi uńǵyma burǵylandy. Burǵylanǵan túrli tereńdiktegi 39 uńǵymanyń 11-inen qońyr tústi reńktegi suıyq-tamshyly munaı tabylǵan.

Shoqpaq ýchaskesinde munaıdyń tabylýy Qazaqstannyń taýly jerinde alǵash ret oryn alyp otyr jáne Syrdarıa men Shý-Sarysý oıysyndaǵy munaıgazdylyqty boljaýda mańyzdy mánge ıe.

Budan buryn Shý-Sarysý oıysynda birneshe usaq gaz ken orny ashylǵan bolatyn. Onyń ishindedi Amangeldi jáne Prıdorojnyı ken oryndary kópke belgili. Endi Syrdarıa jáne Shý-Sarysý oıystarynda munaı izdeýdiń keleshegine jol ashylyp otyr.