Qazaq-Brıtan tehnıkalyq ýnıversıtetiniń stýdenti oqý ornyn keler jyly, 15 jasynda támámdaıtyn bolady. Bundaı birtýart talantty oqýshy týraly aqparat Bilim jáne ǵylym mınıstrliginiń facebook paraqshasynda jarıalandy.
"Sońǵy kúnderi búkil álem toǵyz jasar belgıalyq Loran Sımonstyń erekshe daryny jaıly pikir talastyrýda. Elektrotehnıka boıynsha bilim alyp jatqan jas daryn jer júzin aýzyna qaratyp, tez oqý qabiletimen jurtty tań qaldyrýda.
Bizdiń elde de sondaı daryndy balalar jeterlik. Solardyń biri – Qazaq-Brıtan tehnıkalyq ýnıversıtetiniń İİİ kýrs stýdenti 14 jastaǵy Abzal Myrzash keler jyly bakalavr deńgeıin alady. Jas danyshpan osy kúnge deıin negizgi mamandyǵymen qatar, birneshe ózge salalar boıynsha bilim alýda.
Aqparattyq tehnologıalar baǵytynda izdenis ústinde júrgen Abzal JOO-dan keıin Massachýsets tehnologıalyq ınstıtýtynyń magıstratýrasyna túsýdi maqsat etken.
Abzal bolashaqta ǵylym áleminde erekshe iz qaldyraryna senimimiz mol", dep jazylǵan vedemstvonyń paraqshasynda.
Pikir qaldyrý