Elbasynyń bastamasymen qurylǵan Qazaqstan halqy Assambleıasy talaı jyldyń bederinde san ult pen ulystarǵa úlgi bolýda. Birlik pen tatýlyqty Tý etken assambleıalyqtar ıgi isterge uıytqy bolyp ǵana qoımaı, umyt bolǵan jańǵyrtyp, bardy jańasha jahandandyrýda. Óz kezeginde elimizde keń baıtaq Qazaqstanda turyp jatqan ulttar men ulystardyń salt-dástúri men ádet-ǵurpyn saqtaýǵa barynsha erkindik berýde dep jazady Qamshy.kz aqparat agenttigi. Máselen Polsha memleketinde 1 qarasha kúni ómirden ketken barlyq jaqyn adamdardy eske alatyn kún bolyp sanalady. Polák halqy dúneıden ozǵan jaqyndaryn jıi eske alyp, olarǵa zor qurmetpen qaraıdy. Qarasha aıy jaqyndaǵan sátte Polsha kósheleriniń kez-kelgen dúkender sórelerinen shamdardy jıi kezdestirýge bolady. Bul osy kúni polák halqynyń jaqyn adamdarynyń zırattarynda tutatatyn sham.

Bul kúni zırat basy jaryqtandyrylady. Óıtkeni árbir qabirde osyndaı shamnyń bir emes, ondaǵany janyp turady. Bul zırattardy muqıat jınap, gúldermen áshekeıleıdi.

Dál osy kúni zırat óte jaryqtandyrylady, óıtkeni árbir qabirde osyndaı shamnyń bir emes, ondaǵany janyp turady. Sondaı-aq, osy mereke qarsańynda zırattardy muqıat jınap, gúldermen áshekeıleıdi.

Osyǵan baılanysty Qazaqstan halqy Assambleıasy oblystyq fılıalyna qarasty «Polonez» polák tili men mádenıeti ortalyǵy qoǵamdyq birlestiginiń ókilderi Jambyl oblysyndaǵy jerlengen polák sarbazdaryn eske alady.

Oblysta polák etnosynyń jaýyngerleri úsh óńirde jerlengen. Olar Merke, T.Rysqulov aýdandarynda jáne Shotpak stansıasynda. Osy jyly olar polák sarbazdary jerlengen barlyq oryndardy aralap shyqty.

Birinshi kúni kóptegen polák jaýyngerleri jatqan Shotpak stansıasyna bardy. Sondaı-aq, Shymkent qalasynyń Polsha ortalyǵy men Almaty qalasyndaǵy Polsha Respýblıkasynyń elshisi Mıhal Bogdanovıchpen kezdesý ótti.

Kelesi kúni Dostyq úıinde elshiniń Polshadaǵy bilim berý, vıza alý, polák kartasyn alý máseleleri boıynsha kezekshiligi ótti. «Polonez» qoǵamdyq birlestiginiń ókilderi sondaı-aq, Merki aýdany Sypataı Batyr aýylynda jáne T.Rysqulov aýdanynda polák soldattarynyń mazaryna baryp, gúl shoqtary men shamdaryn qoıdy.