Túrkıanyń Sırıamen shekaralasatyn aımaǵynda ornalasqan Sýrých qalasynda jarylys bolyp, saldarynan 27 adam qaza tapty. Bul týraly «Qamshy» portaly  Reuters-ke silteme jasaı otyryp habarlaıdy. Taǵy júzge jýyq adam jaraqat alǵan. Bul týraly  Túrkıa İİM málimdegen. Oqıǵa qaladaǵy mádenı ortalyqtardyń birinde oryn alǵan. 

Mınıstrlik ókilderi jarylys sebebin lańkestikpen baılanystyryp otyr. Úkimettegi derekkózderdiń habarlaýynsha, jarylysty "Islam memleketiniń" jankeshtileri jasaǵan.

Kúrdilerdiń Halyqtyq-demokratıalyq partıasynyń depýtaty Pervın Býldannyń aıtýynsha, jarylysqa jankeshtiniń qanshalyqty qatysy bar ekeni tekserilip jatqan kórinedi. Onyń aıtýynsha, jarylys bolǵan sátte mádenı ortalyqtyń ishinde kúrdi jáne túrik jastary jınalǵan eken. Olar Sırıanyń Kobanı qalasyna baryp, shahardy qalpyna keltirý úshin jospar qurýǵa bas qosqan.

Aıta keteıik, Sýrých pen  Kobanı qalalary shekaranyń boıynda, bir-birine qarama-qarsy ornalasqan. Negizinen kúrdilerdiń baqylaýyndaǵy Kobanı qalasyna 2014 jyldyń qazanynan bastap 2015 jyldyń qańtar aıyna deıin "Islam memleketi" lańkestik uıymynyń sodyrlary shabýyl jasaǵan bolatyn. 

Nurzat Toǵjan