Jaqynda Almaty qalasyndaǵy  bazarlardaǵy jemis-jıdek ónimderi  arnaıy quraldarmen tekserildi. Zertteý nátıjesi qaýyn - qarbyzdyń barlyǵynda nıtrat mólsheri joǵary deńgeıde ekenin kórsetti, dep habarlady «Qamshy» portaly inform.kz-ke silteme jasaı otyryp.

Tutynýshylardyń quqyǵyn qorǵaý departamentiniń mamandary bazarlardaǵy kókónisterdi 3 kún aralyǵynda saraptan ótkizgen. Osy ýaqyt aralyǵynda 13 bazar men 6 jármeńke tekserilipti. 640 kókónis jáne jemis-jıdekten synama alynǵan. Osyndaı jolmen mamandar almatylyqtardy sapasyz ónimderden qorǵamaq.

Ánel MUSAEVA, Almaty q. tutynýshylar quqyǵyn qorǵaý departamenti bóliminiń bas mamany: 

-Syrttan erte jetkiziletin ónimder arnaıy hımıalyq tyńaıtqyshtardyń kúshimen pisken. Sondyqtan olar adam aǵzasyna aıtarlyqtaı  qaýipti bolyp sanalady. 
«Tutynýshylarǵa satyp alyp jatqanda, habarlanyp otyrady. Sol kezde bizdiń tutynýshylar ózderine unamaǵan, ne bolmasa, jaramsyzdyǵyn teksergisi kelse, ónimin alyp kelip, teksertip, nátıjesin alý múmkindigi bar ekendigin aıtamyz», - dedi.
Ásem KEZEMBAEVA, Almaty qalasy Almaly aýdany tutynýshylar quqyǵyn qorǵaý departamentiniń bas mamany:

«Taǵam ýlanýynan aldyn-alý- nıtrat mólsheriniń deńgeıin anyqtaý. Iaǵnı, onyń mólsheri joǵarylaıtyn bolsa, onda taǵam ýlanýy baıqalady. Jalpy aýdan boıynsha ondaı derekter tirkelgen joq», - dedi.

Mamandar jedel tekserý sharasyn turǵyndardyń ótinishi boıynsha tamyzǵa deıin jalǵastyrmaq. Mundaı saraptamalyq jumys bazarlar aýmaǵynda júrgiziledi. Keıinnen, qaýipti ónim anyqtalǵan saýda orny jetekshiligine bul jaıynda habarlanyp, shara qoldanylady. Al kásipkerler bolsa, óz kezeginde osyndaı sharýalarmen kelisimin buzatyn kórinedi.

Nurzat Toǵjan