Qala ákimdiginiń baspasóz ortalyǵynda Almatyda 27 qarashada ótetin «Almaty Investment Forum-2019» máselelerine qatysty brıfıń ótti.

Forýmnyń basty taqyryby – Qazaqstannyń ońtústik astanasynyń ınvestısıalyq tartymdylyǵyn arttyrý. Forýmǵa iri álemdik jáne qazaqstandyq kompanıalardyń basshylary, QR vedomstvolarynyń, qarjy ınstıtýttarynyń jáne halyqaralyq uıymdardyń ókilderi qatysady dep habarlady, - Almaty qalasy kásipkerlik jáne ınvestısıalar basqarmasynyń basshysy Erkebulan Orazalın.

Qazirgi kezde shaqyrylǵandardyń ishinen 350-den astam adam ózderiniń qatysatynyn rastady. Olardyń arasynda álemniń 20-dan astam elinen (Ulybrıtanıa, AQSH, Germanıa, Fransıa, Túrkıa, BAE, Katar, Indıa jáne basqalary) 200-ge jýyq sheteldik qatysýshy bar.

Forýmnyń barysynda «Almatyǵa ınvestısıalyq kózqaras: yntymaqtastyqtyń jańa múmkindikteri» taqyrybynda plenarlyq otyrys, birqatar paneldi sesıalar men «dóńgelek ústelder» ótedi, bularda ınovasıany, kásipkerlik pen týrızmdi, bilim men densaýlyq saqtaýdy ınvestısıalaýdy damytý máseleleri, jyljymaıtyn múlik naryǵynyń basty baǵyttary talqylanady.

Anyqtama:

1. «Smart-sıtı: adamdar, qala jáne jańa tehnologıalar» (paneldi sesıa).

2. «Jyljymaıtyn múlik trendileri : ınvestısıalyq áleýet jáne jańa tehnologıalar» ("dóńgelek ústel").

3. «Bolashaqtyń irgetasy: bilimge, ǵylym men densaýlyq saqtaýǵa ınvestısıa tartý» ("dóńgelek ústel").

4. «İri ınfraqurylymdyq jobalardyń geoekonomıkasy: Almaty Uly Jibek jolynyń ortalyǵynda» (paneldi sesıa).

5. «Ósim men ınovasıany damytýdyń bolashaq sektorlary (paneldi sesıa).

6. «Týrızmdi damytý. Almaty týrızmniń jańa halyqaralyq ortalyǵy ispetti» (paneldi sesıa).

Talqylaýǵa 20-dan astam vıp-spıkerler men moderatorlar qatysady, olardyń arasynda East-West Digital News negizin qalaýshylardyń biri jáne bas redaktoryAdrıan Hennı,Tie Global Qaýymdastyǵynyń prezıdenti Mahavır Pratap Sharma,Crimson Logic vıse-prezıdentiIong Vı Tan,Boston BIOPHARMA quryltaıshylarynyń biri, dırektorlar keńesiniń múshesiGregorı Vodjaka jáne basqalary bar.

Búgingi kúnge deıin bekitilgen spıkerlerdiń ishinde mynalar bar: Qatar Invest LLC & Dome Group Financial Advisors Ltd keńesshisi, Túrkıanyń burynǵy vıse-premer-mınıstri (2015-2018) - Mehmet Shımshek; Lordtar palatasynyń múshesi, Ulybrıtanıanyń saýda jáne ónerkásip eks-mınıstri, áleýmettik qamsyzdandyrýdyń eks-mınıstri - Lord Pıter Lıleı; Katardyń Saýda-ónerkásip palatasynyń vıse-prezıdenti Mohammed Bın Taýar Al-Kavarı; McKinsey Jahandaný ınstıtýtynyń dırektory Djonatan Votsel, NOKIA vıse-prezıdenti Mıkko Lavantı; TAV Airports prezıdenti Sanı Shener; Google vıse- prezıdenti Meır Brand bar.

Financial Times bas redaktorynyń orynbasary Djeıms Kıng plenarlyq otyrystyń moderatory bolady.

Forým barysynda birqatar memorandýmdarǵa qol qoıý josparlanǵan.

Qazaqstandaǵy halyqaralyq kompanıalar ókildikteri arasynan forýmǵa qatysatyndar: EBRR, EVROBAK, ABR, Búkilálemdik Bank, Qazaqstandaǵy Qytaı banki, MUFG Bank, Tengri Bank, Al Hilal Bank, Mitsubishi, EY, PwC, KPMG, Samsung, Nokia, Sun Pharma, BASFC.A., Philip Morris International, CNPC, Chevron jáne basqalary.

Jalpy, Almaty sheteldik ınvestorlar úshin barynsha tartymdy óńir boldy jáne solaı bolyp qala beredi. Investısıalyq forým halyqaralyq baılanystardy nyǵaıtýdyń jáne uzaq merzimdi kelisimderdi jasaýdyń úzdik dıalog alańyna aınalady.