Jarma aýdanyndaǵy tabys kóleminiń 72,4 paıyzy ónerkásip óndirisine tıesili. Bul týraly SHQO aımaqtyq komýnıkasıalar qyzmetinde ótken brıfıń barysynda aýdan ákimi Ahmetqalı Nurǵojın málim etti.

– Óńdeý ónerkásibi salasynda taýar ónimderiniń jáne kórsetilgen qyzmetterdiń kólemi 15,5 mlrd teńgeni qurap, ótken jyldyń sáıkes kezeńimen salystyrǵanda 642 mln. teńgege nemese 4,3%-ǵa ósti, – dedi aýdan basshysy.

Bıyl taý-ken ónerkásibi salasynan 168,2 mlrd teńge tústi. Bul ótken jyldyń sáıkes kezeńimen salystyrǵanda 4,6 esege kóp. Ahmetqalı Nurǵojınniń aıtýynsha, aǵymdaǵy jyly aýdanda 1 171,4 myń tonna áktas jáne gıps («Asar Invest»), 371,4 myń tonna qıyrshyq jáne usaq tas («AS Inkom»), 16,9 myń tonna sazbalshyq jáne kaolın («Semeı joldary»), 2 242,1 myń tonna quramynda altyn bar kender («BGP») óndirildi.

– «Kazahsement» JSHS-da 150,1 myń tonna klınker men 175,8 myń tonna sement shyǵaryldy. Al «AS Gornák», «Vasılevskoe» JSHS-de 335 keli altyn men 28 keli kúmis óndirildi. Sondaı-aq sorǵy jabdyqtaý zaýytynyń jumysshylary 115 dana tepkish nasostar jasap shyǵardy, – dedi Ahmetqalı Nurǵojın.