Sybaılas jemqorlyqqa qarsy is-qımyl agenttiginiń tóraǵasy Alık Shpekbaev elimizde kásipkerlerdiń 76 paıyzy parasyz jumys istep keledi dep málimdedi. Bul týraly inform.kz habarlaıdy.

«Parasattylyq ári adaldyq tek memlekettik qyzmette ǵana emes, bıznes te de negizgi ónegeli baǵyt bolýy tıis. Kásipkerler sanasynyń transformasıasy – ekonomıkanyń básekege qabilettigin damytýdyń mindetti sharty. Eger de jemqorlyqqa qarsy komplaens (sybaılas jemqorlyqqa qarsy is-qımyldyń korporatıvtik baǵdarlamasy) ınstıtýty tolyq kúshinde jumys istese, onda bul proses eleýli túrde jandanady. Ulttyq kompanıalar men jeke sektorlarda komplaens-ofıserlerdiń paıda bolýy bıznes parasattylyǵy deńgeıiniń ósýine ońtaıly yqpal etedi. Qazirgi kezde tıisti zań jobasy Parlamenttiń qaraýynda. Bıznestiń evolúsıasy úshin mańyzdy alǵysharttar bar ekenin atap ótken jón. Transparency Kazakhstan saýalnamasyna sáıkes, kásipkerlerdiń 76 paıyzy óz bıznesin para bermeı damytyp keledi, ıaǵnı taza quqyqtyq keńistikte qyzmet etýde. Óz kezeginde agenttik jemqorlyqqa qarsy sharalar arqyly adal bızneske qoldaý jasap otyr», - dep atap ótti  Shpekbaev agenttiktiń 2019 jylǵy jumys qorytyndysyna arnalǵan alqa májilisinde.

Shlekbaevtyń aıtýynsha, bıznes isine zańsyz aralasýdyń 358 faktisi anyqtalyp, 400 kásipkerdiń quqyǵy qorǵaldy. Búginde agenttik qorǵaýynda jalpy somasy 12 trln teńgeden astam qarjy qurap otyrǵan 400-den artyq joba tur.