Vengrıanyń Debresen qalasynda Ishtvan Bochkaıdi eske alýǵa arnalǵan bokstan halyqaralyq týrnır ótip jatyr. Jarystyń alǵashqy kúni qazaqstandyq boksshy Damır Toıbaı qarsylasyn merziminen buryn jeńip, kelesi kezeńge joldama aldy. Bul týraly Qazaqstan boks federasıasy habarlady.
Asa aýyr salmaqta judyryqtasatyn Damır Toıbaı 1/16 fınalda vengrıalyq Laslo Felfoldımen kezdesti. Toıbaı birinshi, ekinshi raýndta qarsylasyn nokdaýnǵa jibergen soń vengrıalyq boksshynyń sekýndanttary rıngke oramal laqtyryp, jekpe-jek toqtatyldy. Osylaısha Damır Toıbaı merzimen buryn jeńiske jetip, 1/8 fınalǵa joldama alyp otyr.
