Qordaıdaǵy oryn alǵan tártipsizdik kezinde zardap shekken aqsaqal úıine shyǵaryldy. Bul týraly Jambyl oblysy ákimdigi habarlady.

Qordaıdaǵy oryn alǵan jaǵdaıdan keıin Almaty qalasyndaǵy aýrýhanaǵa túsken aqsaqal úıge shyǵaryldy. Qazir ol óz úıinde jergilikti dárigerlerdiń baqylaýynda. 

Sondaı-aq Jambyl oblysyndaǵy aýrýhanalarda emdelip jatqan úsh naýqas bar. Olardyń biri Qordaı aýdanyndaǵy ortalyq aýrýhanada dárigerlerdiń qaraýynda. Onyń jaǵdaıy jaqsy. Al eki naýqas Taraz qalalyq kópsalaly aýrýhanasynda, olardyń da jaǵdaıy qanaǵattanarlyqtaı.

Jambyl oblysy Qordaı aýdanyndaǵy jappaı oryn alǵan tártipsizdikter 8 aqpanǵa qaraǵan túni boldy. Resmı málimetterge súıensek, 11 adam qaza taýyp, 185 adam jaraqat aldy. Sonymen qatar 39 úı, 20 saýda ortalyǵy jáne 47 kólik órtendi. 

Jambyl oblysynyń jańa ákimi Berdibek Saparbaevtyń aıtýynsha, qazir Qordaıdaǵy jaǵdaı turaqty, quqyq qorǵaý jumystary júrgizilýde.