Sheteldik BAQ-ta tanymal akter Djekı Channyń koronavırýs juqtyrǵany týraly aqparat paıda boldy. Ýkraınalyq saıttyń deregine súıensek, Djekı Chan kóńil kóterý keshteriniń birinde vırýs juqtyrǵan. 

21 aqpanda restorandardyń birinde kóńil kótergen 59 polıseı karantınge jabyldy. Olardyń arasyndaǵy 48 jastaǵy polısıa qyzmetkeri koronavırýs juqtyrǵany rastalǵan. Bul aqparatty Gonkong polısıa basqarmasy da rastap otyr. Budan bólek densaýlyq saqtaý basqarmasynyń dereginshe, 4 polıseıge koronovırýstyń belgisi paıda bolǵan.

Keıin bul restoranda polısıa qyzmetkerlerimen birge tanymal akter Djekı Chan da boldy degen aqparat taraǵan. 

Tipti áleýmettik jelide "Djekı Chan karantınge jabylǵan polıseılerdiń qasynda boldy" degen jalǵan vıdeo da taraǵan. Vıdeoda polısıa qyzmetkerleri Djekı Chan týraly sóılesedi. 

Keıin tanymal akterdiń Koýlýndaǵy "Yau Yat Chuen Garden City" klýbynda bolǵany belgili boldy. Bul týraly Today Online basylymy habarlady. 

Basylymnyń deregine súıensek, bul jalǵan aqparat akterdiń bedelin túsirý úshin ádeıi jasalǵan. 

Eske salsaq, Djekı Chan koronavırýsqa qarsy dári oılap tapqan adamǵa 1 mln ıýan berýge daıyn ekenin aıtqan.