Nur-Sultan qalasynda tótenshe jaǵdaı kúsheıtildi. Eki kún ishinde elordada 164 adam ustaldy. Bul týraly qala ákimdiginiń baspasóz qyzmeti habarlady.
28 naýryz saǵat 00.00-den bastap elordada azyq-túlik, dári-dármek satyp alýdy jáne jumysqa barýdy qospaǵanda, azamattardyń turǵyn úıden shyǵýǵa shekteý qoıyldy. Kámelettik jasqa tolmaǵandardyń úlkendersiz syrtta júrýine tyıym salyndy.
"Qala kósheleri polısıa qyzmetkerleri qadaǵalaýynda. Eki kún ishinde aýmaqtyq polısıa basqarmalaryna 164 adam jetkizildi, tártip buzǵan 68 adamǵa ákimshilik hattama jasaldy. Qalǵan adamdarmen profılaktıkalyq áńgime júrgizildi", delingen ákimdiktiń habarlamasynda.
Pikir qaldyrý