Qytaıdyń  «CCTV 13»  telearnasynda  telejúrgizýshi aýǵandyqtardyń ulttyq aspabyn "dombyra" dep atady. Ejelden qazaqtyń tól menshigine aınalǵan negizgi asapabyn qytaılar aýǵandyqtardyń ulttyq aspabymen shatastyrsa kerek.

Qytaıdyń az ulttar ishindegi aýǵan(hajala) halqy túr - sıpaty qazaq halqymyzdyń dombyrasyna uqsap qalatyn bul aspapty jurt aldyna alyp shyǵyp kórsetýge kezinde tıym salǵan eken. Aýǵan jigit tele arnaǵa bergen suhbatynda endigi jerde ózderiniń aspaptarymen sahnada óner kórsetýge eshqandaı tıymnyń bolmaıtynyn aıtty. Kerisinshe ózderiniń ulttyq aspabyn qaıta jańǵyrtý nıetinde eken.

Gınnestiń rekordtar kitabyna engen qazaqtyń menshikti dombyrasyn talqyshyldar san - saqqa sabyltsa da, óziniń  qundylyǵyn joımaǵan   dombyranyń qazaqtiki ekenine san dálel keltirilgen. Degenmen de, qazaqtyń qara dombyrasyn uıǵyrdyń «dýtary» men aýǵandardyń ulttyq aspabymen shatastyrý ózimizdiń ulttyq qundylyqtarymyzdyń nasıhatynyń az ekeniniń bir dáleli retinde kórinis beredi. «Naǵyz qazaq- qazaq emes, naǵyz qazaq - dombyra» dep urandap, ulaǵattaǵanymyzben nasıhattyń áli de tapshy, týrasyn aıtqanda,  qazaqty álem tanı qoımaǵandyǵy qynjyltady.

Gúlden ÁBDİBAQYT