Ál-Farabı atyndaǵy Qazaq ulttyq ýnıversıteti Beıindik mektebi aǵymdaǵy oqý jylynyń 14 aqpanynda«Rýhanı jańǵyrý» baǵdarlamasy aıasynda jáne uly babamyzdyń 1150 jyldyq mereıtoıyna arnalǵan respýblıkalyq konferensıa uıymdastyrdy. Konferensıaǵa ǵylymǵa degen qyzyǵýshylyq tanytqan mektep oqýshylary men arnaıy orta bilim mekemeleriniń bilim alýshylary qatysty. Konferensıa týraly tolyq málimetti htpps://kaznu.kz saıtynan bile alasyzdar.
Ál-Farabı atyndaǵy Qazaq ulttyq ýnıversıteti JOO-ǵa deıingi bilim berý fakúlteti Beıindik mekteptiń dırektory B.N.Kýljanova men ustazdar ujymynyń uıymdastyrýymen mektep oqýshylarynyń ǵylymı-zertteý jumystarynyń Vİİ Respýblıkalyq konferensıasy óz jumysyn uıymdastyrýshylar men qatysýshylardyń ýnıversıtettiń basty ǵımaratynyń aldyna ornalasqan ál-Farabıdyń eskertkishine gúl qoıyp, taǵzym etýden bastady.
Konferensıaǵa elimizdiń túkpir-túkpirinen kelgen mektep oqýshylarymen qatar Joǵary oqý oryndarynyń stýdentteri de belsene qatysty. Konferensıa talantty mektep oqýshylarymen qatar, stýdentterdi de ǵylym álemine jetelep, olardy ǵylymı-zertteý jumystarymen shuǵyldanýǵa baýlý maqsatynda uıymdastyryldy.
Respýblıkalyq konferensıanyń plenarlyq otyrysynyń saltanatty jıynyn quttyqtaý sózben ashqan beıindik mekteptiń dırektory Botagóz Nıazovna bul dástúrli Vİİ Respýblıkalyq konferesıa áýeli jumysyn qalalyq deńgeıde bastaǵanyn aıtyp, izgilikti sharanyń jyldan-jylǵa aıasy keńeıip, arqalaǵan júginiń mańyzdy bolyp kele jatqanyn atap ótti.
Konferensıanyń qurmetti qonaqtarynyń biri pedagogıka ǵylymdarynyń kandıdaty Erbol Ońalbekov óziniń quttyqtaý sózin halyqaralyq aǵylshyn tilinde bastady. E.Ońalbekov bıylǵy erekshelikterin atap kórsetip, ǵylymnyń kókjıegine jetsem dep talpynǵan jastarǵa «Sizderden aıryqsha jetistikter men ıgi nátıjeler kútemiz" dep memlekettik tilde aıaqtady.
Sharanyń qurmetti qonaǵy, Jeke bilim berý mekemeleriniń respýblıkalyq qaýymdastyǵynyń dırektory Roza Sadyqova memlekettik pen resmı tilde sóılep, ózi qol jetkizgen bıik jetistikteriniń osy bilim ordasynan bastaý alǵanyn jáne osy túlegi ekenin maqtan etitinin aıtyp, QazUÝ beıindik mektebin ózi basqaryp otyrǵan qaýymdastyǵyna múshe bolýymen quttyqtady.
JOO-ǵa deıingi fakúltetiniń dekany, tarıh ǵylymdarynyń kandıdaty, dosent J.E.Jappasov ta jastardyń osy álemniń qupıasyn tereńirek bilsem, ǵylym keńistiginde paıdaly jańalyq ashyp, týǵan eliniń damýyna ózindik úlesin qossam dep kelip otyrǵan jastardyń qadamyna sáttilik tileıtinin aıta kelip, jas daryndardy ǵylym álemine jetelep, baǵyt-baǵdar berýshi ustazdaryna alǵysyn bildirdi.
Konferensıanyń qurmetti qonaqtary: QazUÝ-dyń Ǵylym jáne ınovasıalyq qyzmeti jónindegi departament dırektory Serik Kópjasarovıa Mýhambetjanov, «Ál-Farabı» kitaphanasynyń dırektory Qalıma Tóleýbaevna Týenbaeva, «Ál-Farabı» ortalyǵynyń dırektory Berik Bárikbaıuly Meırbaevtar da konferensıa qatysýshylary men uıymdastyrýshylaryn aýqymdy sharanyń ashylýymen quttyqtap, jas daryndar men olarǵa baǵyt berýshi ǵylymı jetekshililerine sáttilik tiledi.
Shynynda, bul konferensıa óte aýqymdy kólemde, joǵary deńgeıde ótti. Oǵan Almaty oblysymen qatar Almaty, Aktaý, Kentaý, Kokshetaý, Kyzylorda, Mangıstaý, Pavlodar, Taldykorgan, Taraz, Shymkent Ekıbastýz qalalarynan kelgen 400-ge oqýshy men stýdentter qatar, ár shákirtiniń jumysyn sátti ótýin tilektes bolyp kelgen ǵylymı jetekshileri de belsendilik tanytyp birge keldi.
Konferensıanyń ashylý saltanaty ýnıversıtettiń Álemniń Ekinshi ustazy, danyshpan babamyzdyń atyndaǵy «Ál-Farabı» kitaphanasynan konferenszalynda bastaý alyp, baǵytyna oraı seksıalar jumystaryn fakúltetterde jalǵastyrdy. Konferensıa seksıalar «Geografıa, ólketaný, týrızm» seksıasy, «Tarıh, arheologıa, qoǵamtaný, etnomádenıetaný» seksıasy, «Qazaq fılologıasy, qazaq tili men ádebıeti», «Orys jáne shetel fılologıasy», «Bıologıa, Ekologıa, Medısına» seksıasy, «Matematıka, qoldanbaly matematıka jáne ınformatıka», «Hımıa jáne hımıalyq tehnologıa» baǵyttary boıynsha jumys istedi.
Ǵylym álemine qadamyn jańa bastaǵan jas daryndardyń ǵylymı jumystarynár seksıa boıynsha fakúltetterdiń ǵalym ustazdary: oqytýshy-professorlar quramynan jasaqtalǵan arnaıy komısıa músheleri baǵalady. Seksıada ǵylymı jobalaryn úzdik qorǵap, alǵashqy júldeli 1,2,3-oryndardy ıelengen talantty oqýshylar İ, İİ, İİİ dárejeli dıplomdarmen marapattaldy.
Konferensıanyń barlyq qatysýshylaryna ýnıversıtettiń tól baspasynan shyqqan mereıtoılyq arnaıy belgisi bar qoıyn kitapshalar, ataýly kúntizbeler, qalamdar, konferensıa baǵdarlamalary, mekteptiń jarnamalyq býkletteri, konferensıa materıaldarynyń jınaǵy bar papkalar men sertıfıkattar tabys etildi. Bilim alýshylardy mektep qabyrǵasynan-aq ǵylymı-zertteý jobalaý jumystarymen aınalysýǵa qyzyqtyrýǵa, otandyq bilim berýdiń ınovasıalyq modelin qurýǵa baǵyttalǵan jáne mektep pen joǵary oqý oryndarynyń arasynda ǵylymı baılanys ornatqan konferensıanyń qatysýshylarǵa úıreteri de, bereri de mol tálimdi shara boldy.
Naralıeva Rahıla Týrsynovna,
Begalıeva Aısha Káripjanovna
QazUÝ-dyń aǵa oqytýshylary
