Nur-Sultanda koronavırýs juqtyrǵan 1 naýqas aýrýhanadan shyqty. Bul týraly densaýlyq saqtaý mınıstri Eljan Birtanov aıtty.

– Ol 82 jastaǵy Nur-Sultan qalasynyń turǵyny. 22 naýryzda KVI juqtyrǵany rastalyp, kópbeıindi medısınalyq ortalyqtyń ınfeksıalyq blogyna tústi. Dıagnozy: COVID-19. Aýyrlyq dárejesi ortasha, eki jaqty polısegmentarly pnevmonıa. 1 dárejeli tynys alý jetkiliksizdigi. Ókpeniń sozylmaly obstrýktıvti aýrýy. 3 dárejeli arterıalyq gıpertenzıa. Idıopatıalyq podagra. Júrgizilgen keshendi emdeýden keıin 24 saǵat aralyǵymen COVID-19-dan 2 ret zerthanalyq zertteý júrgizildi. Nátıjeleri teris boldy. Qazaqstandyq dárigerler bizdiń aýyrtpalyǵymyzdy sátti eńserýde. Bizdiń dárigerler COVID-19 halyqaralyq klınıkalyq hattamalaryna sáıkes jumys isteıdi, – dep jazdy mınıstr Facebook paraqshasynda.