Búgin Almaty qalasynyń Óńirlik komýnıkasıalar qyzmeti alańynda ótken brıfıńte Densaýlyq saqtaý vıse-mınıstri Qamaljan Nadyrov Almatydaǵy koronavırýstyq ınfeksıany juqtyrýdyń jańa jaǵdaılaryna túsinikteme berdi.

Adamdardyń kóp jınalatyn jerlerin jáne halyqpen tyǵyz baılanysta bolatyn adamdardy belsendi túrde tekserý koronavırýstyń jańa kózderiniń kóbeıýine ákep soqty.

«Bizdiń mindetimiz – qandaı da bir statısıkany shekteýge tyrysý emes, oshaqty barynsha anyqtaý. Mine, sol úshin búgingi kúni óńir belsendi jumys istegen saıyn statısıka óse túsetini qısyndy. Sondyqtan bul qalypty jaǵdaı», — dep túsindirdi Q. Nadyrov.

Búgingi kúni Almaty qalasynda áskerı oqý oryndary, emhanalardyń, stasıonarlyq medısınalyq mekemelerdiń barlyq qyzmetkerleri tekserildi. Jedel járdem jáne qabyldaý bóliminiń qyzmetkerleri, balalar úıleriniń tárbıelenýshileri men qyzmetkerleri, bank jáne poshta qyzmetkerleri, polısıa men Qorǵanys mınıstrliginiń qyzmetkerleri, kópqabatty úılerdiń aýlalaryna shaqyrýǵa keletin kóshelerdi patrúldeýshi, qandaı da bir dárejede halyqpen baılanysýǵa májbúr bolǵandardyń barlyǵy tekserýden ótedi.

– Strategıalyq turǵydan biz táýekel tobynda jumys isteıtinimizdi anyqtadyq. Birinshiden, bul medısınalyq uıymdardyń qyzmetkerleri. Olar testileýden tolyǵymen ótedi. Ol úshin barlyq qajetti quraldar – testter, shyǵys materıaldary bar. Osy baǵytta jumys jospary jasaldy, – degen spıker.

– Statısıka kórsetkishiniń ósýi jaǵymsyz bolatyny anyq. Ókinishtisi, biz áriptesterimiz nemese naýqastar arasynda jańa ınfeksıany anyqtaýymyz múmkin. Bul sharalar adamdar kóp jınalatyn oshaqtarda sımptomsyz naýqastardy anyqtaýǵa jáne karantın merzimin barynsha azaıtýǵa múmkindik beredi, – dep qorytyndylady sózin spıker.