Qazaqstan musylmandary dinı basqarmasy Ramazan aıynyń óńirler boıynsha kestesin jarıalady.

Bıyl Oraza aıy 24 sáýir, juma kúni bastalady. Mamyr aıynyń 19-ynan 20-syna qaraǵan túni qasıetti Qadir túni. Bıyl pitir sadaqa jan basyna 370 teńgeden belgilendi.

Elde tótenshe jaǵdaıdyń jarıalanýyna baılanysty taraýyq namazy meshitterde oqylmaıdy. Ony otbasynda oryndaýǵa bolady.

Sondaı-aq QMDM árkimdi óz shańyraǵynda otbasy múshelerimen aýyzashar ótkizýge, kópshilik oryndarda (dámhana, meıramhana t.b.) jınalmaýǵa úndedi.

Sondaı-aq bas múftı syrqattanǵan nemese densaýlyǵy nashar adamdar aýrýynyń asqynýynan qaýiptense jáne senimdi dáriger uzaq ýaqyt boıy ashyǵýdan densaýlyǵy kúrt nasharlap ketýi múmkin degen sheshim qabyldasa, sondaı-aq júkti nemese omyraýda balasy bar áıelderge oraza tutýdy keıinge qaldyrýǵa sharıǵat ruqsat beretinin málimdegen.