Qazaqstannyń "Qyzyl Jarty Aı" uıymy Qazaqstan Respýblıkasy Syrtqy ister mınıstrliginiń jáne halyqaralyq Qytaı saýda palatasynyń, Jiangsi 3L Medical Products Group kompanıalar toby men Szánsı mys ónerkásiptik tobynyń qoldaýymen Qazaqstannyń medısınalyq mekemelerine, Almaty qalasynyń tótenshe jaǵdaı jáne polısıa departamentine medısınalyq maskalar jetkizdi.

Qytaıdyń halyqaralyq saýda palatasy men szánsılik kompanıa Qazaqstannyń Qyzyl Jarty Aı uıymyna 228 880 dana medısınalyq maska bergen. Olar uıymnyń aımaqtyq fılıaldaryna, medısınalyq qyzmetterge, tótenshe jaǵdaı departamenti men ishki ister departamenti bólimderine úlestirilgen.

Medısınalyq maskalardy Almaty qalasyna jetkizý men tehnıkalyq kómek kórsetý tikeleı syrtqy ister mınıstrligi jáne densaýlyq saqtaý mınıstrligi qoldaýynyń arqasynda júzege asyryldy.

– Qazaqstannyń "Qyzyl Jarty Aı" uıymy maskalardy jetkizgen árbir adamǵa, onyń ishinde Qytaı saýda palatasyna, szánsılik kompanıalar tobyna alǵysyn bildiredi. Taýar jetkizý isine belsene qatysqan Qazaqstan Respýblıkasy Syrtqy ister mınıstrligi men Densaýlyq saqtaý mınıstrligine alǵysymyz erekshe. Osyndaı qıyn sátte dostyq pen adamgershilik údesinen shyǵý – eń qymbat dúnıe dep oılaımyn, – dedi uıymynyń prezıdenti Erkebek Arǵymbaev. 

Qazaqstannyń "Qyzyl Jarty Aı" uıymy memleketke kómekshi mekeme retinde memlekettik organdarǵa meılinshe járdemdespek.

– Kelip túsken maskalar koronavırýspen kúreste aldyńǵy shepte júrgen tártip saqshylary, medısına qyzmetkerleri men bizdiń eriktilerdiń qaýipsizdigin qamtamasyz etýge qyzmet qylýǵa tıis. Biz osylaısha ortaq iske óz úlesimizdi qosqymyz keledi, –  deıdi kompanıa ókili.

Maskalar tómendegi tizim boıynsha úlestiriledi.

• QJA Almaty oblystyq fılıaly – 5000;
• Qazaqstan shıpajaıy – 2000;
• QR OKZ 14 fılıaly –  42 000;
• KPK shtap-páteri –  10 000;
• Ulttyq ulan –  10000;
• Almaty İİD –  10,000;
• Almaty qalalyq densaýlyq saqtaý basqarmasy –  35,000;
• Almatydaǵy tótenshe jaǵdaılar departamenti –  5000 adam;
• Almatydaǵy eriktiler shtaby –  10,000;
• Nur-Sultan QJA fılıaly –  5000;
• Nur-Sultan qalasy densaýlyq saqtaý basqarmasy –  10 000;
• Qor –  6000.

Qazaqstannyń "Qyzyl Jarty Aı" uıymy azamattarǵa jeke bastyń gıgıenasyn jáne karantın kezindegi tártip erejelerin saqtaýdy suraıdy.

–  Azamattar tek jeke basyn ǵana emes, aınalasyndaǵy adamdardyń da densaýlyǵyn saqtaýǵa tıis. Úıde qalý arqyly siz ózińizdiń densaýlyǵyńyzdy qorǵap, jaqyn adamdaryńyzǵa qaýip tóndirmeısiz, – deıdi kompanıa prezıdent Erkebek Arǵymbaev.

Qazaqstannyń "Qyzyl Jarty Aı" uıymy – Halyqaralyq Qyzyl Kres jáne Qyzyl Jarty Aı uıymdarynyń bir bóligi. Bul qozǵalys adam ómiri men densaýlyǵyn qorǵaý, árbir tulǵanyń jeke basyn qurmetteýdi qamtamasyz etýdi maqsaty etip alǵan álemdegi eń iri birlestikterdiń biri.