QR premer-mınıstri Asqar Mamın beınekonferensıa baılanysy rejıminde Eýrazıalyq úkimetaralyq keńestiń (EÚAK) kezekten tys otyrysyna qatysty, dep jazady Qamshy.kz aqparat agenttigi primeminister.kz saıtynyń deregin negizge alyp. 

Otyrysqa qatysýshylar Eýrazıalyq ekonomıkalyq ıntegrasıany damytýdyń 2025 jylǵa deıingi strategıalyq baǵyttarynyń jobasyna daıyndyq barysyn, onyń ishinde EAEO ortaq naryǵynda gazdy tasymaldaý qyzmetiniń baǵasyn (tarıfin) belgileý tásilderin, halyqaralyq avtokólik tasymaldaryn kezeń-kezeńimen yryqtandyrý, EAEO-ǵa múshe memleketterdiń ekonomıkalyq damýyna nysanaly yqpal etýdiń ıkemdi tetikterin ázirleý, sondaı-aq densaýlyq saqtaý salasyndaǵy yntymaqtastyqty keńeıtý máselelerin qarady.

Sonymen qatar otyrysqa Reseı Federasıasynyń Premer-Mınıstri Mıhaıl Mıshýstın, Belarýs Premer-Mınıstri Sergeı Rýmas, Qyrǵyzstan Premer-Mınıstri Mýhammedkalyı Abylgazıev, Armenıa Respýblıkasynyń Premer-Mınıstri Nıkol Pashınán jáne Eýrazıalyq ekonomıkalyq komısıa Alqasynyń tóraǵasy Mıhaıl Másnıkovıch qatysty.