Ulybrıtanıanyń basqarýynda bolǵan kezdegi Gonkongtyń sońǵy gýbernatory Lord Patten Anglıa telearnasy Sky News-ǵa bergen suhbatynda Qytaı komýnıstik partıasynyń pandemıa saıasatyna qatysty kúrdeli suraqtary bar ekenin aıtty. Bul týraly Qamshy tilshisi The Express basylymyna silteme jasap habarlaıdy. 

– Bul bizdiń Qytaımen nemese Ýhanda bolyp jatqan oqıǵalardy ashýǵa tyrysqan keremet batyl dárigerlermen kelispeýshiligimiz emes... Qytaı komýnıstik partıasynyń aıtqan sózine senýge bolmaıdy... Qytaı bıliginiń indettiń alǵashqy satysynda aqparatty jasyrynǵanyn qytaı halqy da biledi, – dedi ol. 

Lord Patten: "ádeıi ótirik aıtyldy jáne bul bárine belgili... Qańtardyń aıaǵynda, tipti Qytaı syrtqy ister mınıstri Avstralıanyń syrtqy ister mınıstrine bul vırýstyń emdeletinin jáne aldyn alýǵa bolatyndyǵyn aıtqan... Sonymen birge sol kezde qytaılyqtar Avstralıadan medısınalyq qural-jabdyqtardy jappaı satyp alyp jatqan... Qytaı komýnıstik partıasynyń aqparattary árqashan jasyryn bolady. Olar tek ózin qorǵaýǵa tyrysyp, vırýsty ádeıi baqylaýdan shyǵýyna múmkindik beretinin rastaıtyn kóptegen dálelder bar" dedi.