QR DSM Taýarlar men qyzmetterdiń qaýipsizdigi men sapasyn baqylaý komıtetiniń tóraǵasy Tımýr Sultanǵazıev kóshede maska taǵyp júrýge keńes berdi. Bul týraly İnform.kz habarlady.

– Maska taǵý – aǵzany vırýstan qorǵaýdyń bir mehanızmi ekenin túsinýimiz qajet. Jabyq ǵımaratta, ıaǵnı dúkender men dárihanada, kólik ishinde maska taǵý mindettelgen. Ásirese, aýrý belgisi baıqalǵan adamdardyń qasynda nemese ózińizde qyzý, jótel, túshkirý paıda bolsa, mindetti túrde masqa taǵyńyz, – dedi T. Sultanǵazıev.

Sonymen qatar ol brıfıń barysynda dúnıejúzilik densaýlyq saqtaý uıymynyń málimetin atap ótti.

– DDSU-nyń málimdeýinshe, adam 3-5 mınýt saıyn betin ustaıdy. Bul da COVID-19 juqtyrý qaýpin kúsheıtedi. Osyǵan baılanysty, barlyq jastaǵy adamdarǵa kóshede de maska taǵyp júrýge keńes beremiz. Ásirese, kóptegen adamdar maskamen aýzyn jabady da, murnyn ashyq qaldyrady. Maskany 2-3 saǵat saıyn aýystyrmaıdy. Árıne, maskadan bólek, qol jýý, antıseptıkpen súrtý syndy ózge de qaǵıdalardy ustanǵan jón, – de aıtty T. Sultanǵazıev.