Bul týraly Mańǵystaý oblystyq qoǵamdyq komýnıkasıa ortalyǵynda ótken brıfıńte málim boldy. «Bıznestiń jol kartasy - 2025» memlekettik baǵdarlamasyn iske asyrýǵa aǵymdaǵy jylǵa 5,1 mlrd. teńge bólindi (3,8 mlrd. teńge qosymsha qarajat). Onyń ishinde:
- kredıtterdiń paıyzdyq stavkasyn sýbsıdıalaýǵa 4,5 mlrd. teńge;
- kredıtterdi ishinara kepildendirýge - 639,3 mln. teńge.
MO kásipkerlik jáne saýda basqarmasynyń basshysy Venera Mustapaevanyń aıtýynsha, memleket basshysynyń tapsyrmasyna sáıkes tótenshe jaǵdaı talaptaryna kásipkerlikti qoldaý boıynsha, «Bıznestiń jol kartasy - 2025» jáne «Qarapaıym zattar ekonomıkasy» memlekettik baǵdarlamalaryn iske asyrý úshin birqatar sharalar qabyldaý aıasynda kelesi ózgerister kúshine engen:
«Bıznestiń jol kartasy - 2025» baǵdarlamasynda sýbsıdıalaý quraly boıynsha:
- Salalyq shekteýler alynyp tastaldy;
- Kásipkerler úshin mólsherleme - 6% -ǵa deıin tómendedi;
- Baǵdarlamanyń úshinshi baǵyty alynyp tastaldy (kásipkerlerdiń valútalyq táýekelderin tómendetý).
- Sýbsıdıaǵa tıesili nesıelendirý somasy – 7 mlrd. teńgege deıin ulǵaıdy.
«Bıznestiń jol kartasy - 2025» baǵdarlamasynda kepildendirý quraly boıynsha ózgerister:
- Birinshi baǵyt boıynsha isin jańadan bastaǵan kásipkerlerge kepildik boıynsha nesıe somasy – 180 mln. teńgege deıin ósti, ekinshi baǵyt boıynsha – nesıe 360 mln. teńgege deıin kepildendiriledi. Bul rette nesıe somasynan 85%-ǵa kepildendiriledi;
- Jumys istep turǵan kásipkerler úshin Baǵdarlamanyń birinshi baǵyty boıynsha nesıeler 360 mln. teńgege deıin, ekinshi baǵyt boıynsha 1 mlrd. teńgege deıin kepildendiriledi. Nesıe somasynan 50%-ǵa deıin kepildendiriledi;
- 100% aınalym qarajattaryn tolyqtyrýǵa Baǵdarlamanyń birinshi baǵyty boıynsha 360 mln. teńgege deıin, ekinshi baǵyty boıynsha 500 mln. teńgege deıin kepildendik beriledi. Saýda salasy boıynsha aınalym qarajattaryn tolyqtyrýǵa 100 mln.teńgege deıingi nesıelermen shektelgen;
- Sondaı-aq, ekinshi baǵyt boıynsha (saýda jáne QR Kásipkerlik kodeksininiń 24 baby 4 tarmaǵynda kórsetilgen qyzmet túrlerin qospaǵanda) salalyq shekteýler alynyp tastaldy;
- «Bıznestiń jol kartasy - 2025» baǵdarlamasyna kelesi iri bıznes sýbektileri engizilgen, atap aıtqanda: azyq-túlik óndirisi, sabyn jáne jýǵysh quraldary, sanıtarlyq-gıgıenalyq baǵyttaǵy qaǵaz ónimderi, avtomobıl avtokóligimen júk tasymaldaý, qoıma sharýashylyǵy jáne kólik qyzmeti, týrızm, menshikti nemese jalǵa alynǵan jyljymaıtyn múlikti jaldaý jáne basqarý.
«Sondaı-aq «Qarapaıym zattar ekonomıkasy» baǵdarlamasy boıynsha baǵdarlamanyń jalpy qarjylandyrý somasy 1 trln.teńgege deıin merzimi 10 jylǵa ulǵaıtylyp, taýarlar tizbesi keńeıtildi»- , dedi «Damý» qorynyń MO fılıalynyń dırektory Gúljan Qalymbetova.
