Bul týraly Mańǵystaý oblysynyń qoǵamdyq komýnıkasıa ortalyǵynda ótken brıfıńte oblystyq «Atameken» kásipkerler palatasy bóliminiń basshysy Asqat Baıbýlatov málim etti.
Búgingi kúni Mańǵystaý oblysynyń kásipkerler palatasyna bıznes sýbektilerinen 500-den asa saýal kelip túsken.
Tótenshe jaǵdaı jarıalanǵan kezde kásipkerlerdiń saýaldarynyń basym kópshiligi ǵımarattardy kásipkerlik baǵytta jalǵa alý kezindegi aı saıynǵy aqysyn tómendetý, salyq máseleleri, nesıelerdiń, komýnaldyq qyzmetterdiń tólemaqysyn keıinge shegerý jáne áleýmettik kómek alý týraly máseleler. Oblysymyzda karantın jarıalaný týraly qaýly qabyldanǵan kúnnen bastap qala, aýdanaralyq qoıylǵan blok postardan kirip-shyǵý, azyq-túlik emes qyzmet túrlerine ruqsat berý, egin - mal sharýalarynyń óz sharýashylyqtaryna baryp kelý, fors-mojor kýáligin alý jáne taǵy basqa da suraqtary kóbeıgen.
Bıznes sýbektilerinen kelip túsken aryzdar jeke-jeke qaralyp, Kásipkerler palatasynyń tikeleı aralasýymen olardyń basym kópshiligi oń sheshimderin taýyp, qalǵandaryna quqyqtyq túsindirmeler berilgen.
- Endi jyl basynan bergi derekke toqtalatyn bolsaq, tótenshe jaǵdaıǵa deıin kásipkerler palatasyna 79 ótinish kelip tústi, onyń ishinde:
- Kásipkerlerdiń quqyqtaryn qorǵaý salasy boıynsha 21 ótinish.
- Túrli baǵyttar boıynsha 58 ótinish (túsindirý).
21 ótinish boıynsha kásipkerlerdiń quqyqtaryn qorǵaý jelisi boıynsha 11-i oń sheshildi (52,38%). Kásipkerler jıi júginetin máseleler: jer, satyp alýlar, kásipkerler arasyndaǵy azamattyq-quqyqtyq daýlar, ákimshilik kedergiler, logıstıka, lısenzıalaý/ruqsat berý, bıznesti servıstik qoldaýÓtinishter sanynyń azaıýy oblystyń kóptegen kásipkerleri tótenshe jaǵdaıǵa baılanysty óz qyzmetin ýaqytsha toqtatty - , dedi oblystyq «Atameken» kásipkerler palatasynyń bólim basshysy Asqat Baıbýlatov.
Mańǵystaý oblysynyń kásipkerlik sýbektileri karantın kezindegi jumys tártibi bylaı:
Mańǵystaý oblysynyń bas memlekettik sanıtarlyq dárigeriniń qaýlysymen oblys aýmaǵynda karantın sharalary engizildi. Sol sebepti azyq-túlikten basqa taýarlardy satý nysandary óz qyzmetin toqtatty. Barlyq azyq-túlik emes saýda ortalyqtary, dúkender, avtosalondar, avtoqosalqy bólshekter satý salondary, gúl pavılondary, hımıalyq tazalaý oryndary, kir jýý oryndary, fotoatele, jeke jáne memlekettik balabaqshalar, sulýlyq salondary, qoǵamdyq monshalar, saýnalar, fıtnes klýb jáne basqa da qyzmet kórsetý oryndary jumysyn toqtatty. Sanıtarlyq-epıdemıaǵa qarsy sharalardy kúsheıte otyryp, barlyq azyq-túlik dúkenderi men dárihanalar, qoǵamdyq tamaqtaný nysandary «tutynýshyǵa deıin jetkizý» qaǵıdaty boıynsha jumysyn jalǵastyrýda. Qyzmeti shektelmegen kásiporyndar men obektiler árbir 3 saǵat saıyn dezınfeksıa júrgizip, sanıtarlyq sharalardy kúsheıtýi tıis (kire beriste qyzmetkerler úshin sanıtaraızerler ornatý); personaldyń jumys kezinde bir ret qoldanylatyn qolǵaptar men antıseptık paıdalanýyn qamtamasyz etýi tıis; jiti respıratorlyq ınfeksıa belgileri bar qyzmetkerlerdi jumysqa jibermeýi tıis. Sondaı-aq qalypty jumys rejımin toqtata turý jáne óz qyzmetin qashyqtan jalǵastyrýda. Qazir bıznes aldynda birqatar problemalar turǵanyn bilemiz. Ǵımarattardy jalǵa alý qunyn shegerý, nesıe, salyq tólemi, qyzmetkerlerdiń jalaqysy, tapsyrystar men ótkizý sanynyń tómendeýi. Árbir másele boıynsha bıznesti qoldaý sharalary qabyldanýda. Aǵymdaǵy jyldyń 20 naýryzynan bastap memlekettik, kvazımemlekettik jyljymaıtyn múlik obektileri boıynsha bıznesmender úshin 3 aı merzimge jaldaý tólemderin esepteý toqtatyldy. Qazir Kásipkerler palatasy oblystyq kásipkerlik jáne saýda basqarmasymen birlese otyryp, komersıalyq úı-jaılardy jalǵa alatyn shaǵyn jáne mıkrobıznes sýbektileriniń jaldaý aqysyn keıinge qaldyrý nemese tómendetý múmkindikterin qarastyrýda. Kadr máselesi boıynsha qazir kásipkerler TJ rejımin engizýge baılanysty tabystan aıyrylýyna baılanysty 42500 teńge (1 ETJ) boıynsha áleýmettik tólemder úshin tizimderdi qalyptastyrý úshin qyzmetkerler boıynsha derekterdi usynýy tıis. Mańǵystaý oblysynyń kásipkerler palatasy janynan kásipkerlerge jedel kómek kórsetý shtaby quryldy. «Atameken» UKP call-ortalyǵy-1432. Mańǵystaý oblysynyń kásipkerler palatasynyń jedel jelisi: mob.tel: 8775 493 5869, 8701 819 8239.
