Shaǵyn jáne orta bıznestiń sýbektileri 2020 jyldyń 1 qazanyna deıin, al iri bıznestiń keıbir sýbektileri 2020 jyldyń 1 shildesine deıin mindetti áleýmettik medısınalyq saqtandyrý tólemderinen bosatyldy. Mundaı sharalardy memleket tótenshe jaǵdaı kezinde kásipkerlerge qoldaý kórsetý úshin qabyldap otyr.
«Iaǵnı, olar jumys berýshi retinde 2% mólsherinde aýdarymdardy tólemeıdi, sondaı-aq óz qyzmetkerleriniń jalaqysynan 1% jarnalardy ustamaıdy. Osylaısha, 1 mıllıonǵa jýyq azamat MÁMS-ǵa aqy tóleýden bosatyldy– bul osy salalardaǵy qyzmetkerlerdiń jalpy sany. Alaıda, olardyń barlyǵy qajetti medısınalyq kómekti tolyq kólemde alýy tıis, olar úshin qor tóleıdi», – dedi «Áleýmettik medısınalyq saqtandyrý qory» Mańǵystaý fılıalynyń dırektory Rýslan Bektýbaev.
Salyqtar men áleýmettik tólemderge «nóldik» mólsherlemeni qoldanatyn sýbektilerdiń tizimi bekitildi. Bul saýda, kólik jáne tehnıkalyq qyzmetter, bilim berý, medısına, týrızm, meıramhana jáne qonaq úı bıznesi, oıyn-saýyq, baǵdarlamalyq qamtamasyz etý jáne fıtnes sýbektileri.
Qaýlyda kórsetilgen sanattarǵa kirmegen bıznestiń sýbektileri úshin MÁMS-ke jarnamen aýdarymdy tóleý merzimi 2020 jyldyń 1 maýsymyna deıin shegerildi.
Jeke kásipkerler de jeńildik aldy. Jeke kásipkerge 2020 jyldyń 1 qazanyna deıinóz qyzmetkeri úshin aýdarym tólep, onyńjalaqysynan jarna ustaýdyń qajeti joq. Alaıda JK ózi úshinjarna tóleýi kerek, al tóleý merzimi 2020 jyldyń 1 maýsymyna deıin uzartylǵan.
«Zań jarnalar men aýdarymdardan bas tartýǵa múmkindik bermeıdi. Sondyqtan 1 qazanǵa deıin bıznes sýbektilerinde tólenbegen kezeń boıynsha qaryz paıda bolady. Osyǵan baılanysty Qorjarnadan «bosatylǵan» kyzmetkerlerge qaryzdy eseptemeıtin zań normasyn engizý týraly usynys aıtýda. Óıtkeni, Qor mundaı syn saǵatta elimizge qoldaý kórsetýdi kózdep otyr. Qazir bul usynys boıynsha ózgerister bolyp jatyr, aldaǵy ýaqytta munyúkimet qaraıdy», - dedi fılıal dırektory Rýslan Bektýbaev.
Sonymen qatar, Qor biryńǵaı jıyntyq tólemdi (BJT) tóleýshiler sany óskenin atap ótti. Sebebi, BJT tóleý – ózin-ózi jumyspen qamtyǵandar úshin 42 500 teńge mólsherinde áleýmettik járdemaqyny alý sharty.
«Tabyssyz qalǵan jáne resmı túrde jumys istemeıtin azamatqala turǵyny bolsa, 2 651 teńge, al aýyl turǵyny bolsa, 1 325 teńge kóleminde BJT tólep, járdemaqy alýǵa ótinim bere alady. Sóıtip, áleýmettik medısınalyq saqtandyrý júıesine qatysýǵa múmkindigi bar. Osyǵan baılanysty, BJT tóleýshilerdiń sany 85 myńnan (1 sáýirge deıin tólegender) 1,8 mıllıon azamatqa deıin ulǵaıdy. Alaıda, mindetti medısınalyq saqtandyrý júıesinde medısınalyq kómek alý úshin BJT aı saıyn tólenýi tıis. (saqtandyrylǵan mártebesin alý úshin keminde 3 aı)», - delinedi habarlamada.
Aıta keteıik, qazir Qazaqstanda saqtandyrylmaǵandardyń úlesi shamamen halyqtyń 15%-yn quraıdy. Degenmen, 2020 jyldyń 1 shildesine deıinbarlyq azamattar shartty saqtandyrylǵan bolyp sanalady jáne medısınalyq kómekti tolyq kólemde tegin alýǵa quqyǵy bar.
