Bul  týraly qoǵamdyq komýnıkasıa ortalyǵynda ótken brıfıńte "Caspiy Operating" JSHS-niń basshysy Ádilet Pirimqulov málim etti. Oblysta jarıalanǵan tótenshe jaǵdaıǵa, sondaı-aq karantındik sharalarǵa baılanysty, qaldyqtardy jınaý jónindegi uıymdardyń qyzmetin qazirgi ýaqyttaǵy sebepterge baılanysty iske asyrý qıyndyq týǵyzýda. Klıentterdiń tólem qabilettiligi - Aqtaý qalasy turǵyndarynyń kópshiligi jáne zańdy tulǵalardyń tólem qabilettiligi tómendegen. Mundaı kúrdeli jaǵdaı týyndaǵan kezde, janar-jaǵarmaı materıaldaryn ýaqytyly satyp alý, qyzmetkerlerge eńbekaqy tóleý, sonymen qatar, kásiporyndy qysqartý jáne basqa mindettemelerdi oryndaý múmkin emes bolyp otyr. Qaldyqtardy úzdiksiz jınaýdy toqtatý, óz kezeginde, halyqtyń densaýlyǵyna jáne jalpy sanıtarlyq-ekologıalyq jaǵdaıyna qaýip tóndiretini belgili. 

 -Karantındik  jaǵdaıda kásiporynnyń jumys isteýi, qaýipti jaǵdaılarda jumystardy oryndaý, arnaıy tehnıka men konteınerlik alańdardy dezınfeksıalaý quraldarymen qosymsha óńdeý úshin, epıdemıaǵa qarsy is-sharalardy qamtamasyz etý úshin, Sizden qatty turmystyq qaldyqtardy jınaý, shyǵarý jáne kómý boıynsha qyzmetter úshin bereshekti tóleýińizdi suraımyz. Aı saıyn jınaqtalǵan bereshek jóninde málimeti bar tólem qujattary klıentterge jetkizilip turady. Sonymen qatar, jınalǵan bereshekti klıentter bólip tóleý múmkindigi bar, - deıdi "Caspiy Operating" JSHS-nyń basshysy Ádilet Pirimqulov.

"Caspiy Operating" JSHS basqa da komýnaldyq, tirshilikti qamtamasyz etetin kásiporyndar sıaqty boryshkerlerge áser etý, ıaǵnı elektrmen jabdyqtaýdy ajyratý, sý berý jáne t.b. joldarymen bereshekti qaıtarýdy, sotqa júginýden basqa, júzege asyra almaıdy.  Osyǵan oraı, sala mamandary atalǵan máselege turǵyndardan úlken jaýapkershilikpen qarap,  oryndaýlaryn suraıdy.

Turǵyndar tólemdi kelesi bank bólimshelerinde jáne ınternet-bankıngter jelisi men qosymshalarynda júrgizýge bolady: Kaѕribank, ForteBank, Homebank.kz, Sesna bank, Eýrazıalyq bank, Kazpochta, Kasa24 jáne QIWI termınaldary (árbir azyq-túlik dúkeninde ornalasqan).​