Shahar basshysy Baqytjan Saǵyntaev Almaty aýrýhanalaryndaǵy jasandy ókpe ventılásıa apparattaryn tekserýdi tapsyrdy. Bul týraly qala ákimdiginiń baspasóz qyzmeti habarlady.

Búginde megapolıs emhanalarynda osyndaı 625 medısınalyq jabdyq bar. Qalalyq jedel shtab otyrysynda qala ákimi barlyq apparatty naýqastar men COVID-19 ınfeksıasyn juqtyrǵandarǵa qoldaný kerektigin aıtty.

Sondaı-aq, shahar basshysynyń sózinshe qaýipti indetke saraptama ótkizetin ortalyq mamandary tolyqtaı qorǵanys quraldarymen qamtamasyz etilýi qajet. Tótenshe jaǵdaı jáne karantın kezinde shtab 8 baǵyt boıynsha jumys isteıdi.

Atap aıtqanda, dezınfeksıa jumystaryn qadaǵalaý, qoǵamnyń qaýipsizdigi, azyq-túlikpen qamtý, turǵyndardy habardar etý jáne densaýlyq salasyn damytý syndy qyzmetter atqarady. Shtab jumysyna barlyq qalalyq qyzmetter tartylǵan. Negizgi mindet – turǵyndardyń suraǵyna jyldam ári naqty jaýap berý. Aıta keteıik, barlyq tapsyrma qala basshysynyń qatań baqylaýynda.