Almatyda koronavırýstyq ınfeksıany juqtyrýdyń rastalǵan 116 jaǵdaıy tirkeldi. Bul týraly qala ákimdiginiń baspasóz qyzmeti habarlady.

İndetti juqtyrýshylarmen baılanysta bolǵan jańa alty jaǵdaı anyqtaldy.

​Qazirgi ýaqytta qalanyń juqpaly aýrýlar stasıonarlarynda COVID-19 dıagnozy bar 96 pasıent bar, onyń ishinde bir áıel adam Almaty oblysynyń turǵyny.

​79 naýqastyń jaı-kúıi – qanaǵattanarlyq. 2 eresek adamnyń jaı-kúıi – óte aýyr, 2 adamda – aýyr, 13 eresek adamnyń jaı-kúıi – ortasha.

​Búgin koronavırýstyq ınfeksıadan jazylǵan taǵy eki naýqas aýrýhanadan shyǵaryldy. Bul 1997 jáne 1998 jylǵy qyzdar. Olardyń biri 15 naýryzda Ystambul – Almaty reısimen ushyp kelgen, ekinshisi buǵan deıin anyqtalǵan naýqaspen baılanysta bolǵan.

​Búginde megapolıste jalpy 21 naýqas saýyǵyp jazyldy, onyń ishinde 2-i – bala. Olardyń barlyǵy 14 kúndik úı karantıninde jatyr. Qazirgi ýaqytta provızor ortalyqtarynda 521 adam bar, onyń ishinde 79-y – bala. ​Eki kúndik karantınde – 390 adam (48 bala), úı karantıninde – 4805 adam.