Jumyspen qamtýdyń jol kartasy jáne basqa da memlekettik baǵdarlamalar aıasynda bıyl 1 mıllıon 220 myń adamdy jumyspen qamtý josparlanýda. Bul týraly Úkimet otyrysynda QR Eńbek jáne halyqty áleýmettik qorǵaý mınıstri Birjan Nurymbetov málimdedi.
Eńbekmın basshysy barlyq óńirde jumyspen qamtýdy qamtamasyz etý jáne jumys oryndaryn qurý jónindegi is-sharalardy qarastyratyn 2020-2021 jyldarǵa arnalǵan jumyspen qamtýdyń jol kartasyn, Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn, basqa da memlekettik jáne úkimettik baǵdarlamalardy iske asyrýdy qamtıtyn keshendi jumyspen qamtý josparlary bekitilgenin málimdedi.
– Barlyq iske asyrylyp jatqan baǵdarlamalardyń áleýetin eskere otyryp, 2020 jyly jumyspen qamtýdy yntalandyrý sharalaryna 1 mıllıon 220 myń adamdy tartý múmkindigi bar. Sonyń ishinde 855 myń adam Jumyspen qamtýdyń jol kartasy jáne «Eńbek» memlekettik baǵdarlamasy boıynsha nazarǵa alynsa, basqa da memlekettik baǵdarlamalar boıynsha jergilikti jáne ortalyq atqarýshy organdar qosymsha 364 myń adamdy qosymsha qamtýdy josparlap otyr, – dedi Birjan Nurymbetov.
Pikir qaldyrý