Ekinshi dúnıejúzilik soǵys aıaqtaǵan soń AQSH-tyń burynǵy prezıdenti Garrı Trýmen Máskeýdi ıadrolyq qarýmen bombalaýdy josparlaǵan. Bul týraly Qamshy tilshisi anglıalyq The Express basylymyna silteme jasap habarlaıdy. 

Germanıa jeńilgen soń Ulybrıtanıanyń sol kezdegi premer-mınıstri Ýınston Cherchıll Stalınniń komýnıstik yqpaly Shyǵys Eýropada kúsheıip kete me dep úreılengen. Sondyqtan Cherchıll batystyq odaqtastaryna «aqylǵa syımaıtyn operasıa» ıdeıasyn usynǵan. 

Bul jospar boıynsha, AQSH-tyń Manhetten jobasynyń bir bóligi bolǵan atom bombalaryn Máskeý men Kıevke tastaý josparlandy. Alaıda ıadrolyq bombalaýdan buryn Germanıadan, Polshadan jáne Shyǵys Eýropadan Keńes Odaǵy kúshterin shyǵaryp tastaý kerektigi aıtylǵan.

1945 jyldyń maýsym aıynyń sońynda Cherchıll bul jospardan bas tartty, sebebi basqa batystyq lıderler buny "sýısıdtik jospar" degen. Biraq AQSH-tyń sol kezdegi prezıdenti Garrı Trýmen ólimge ıtermeleıtin usynystan shabyt alyp, ony óziniń "Plan Totality" dep atalatyn áskerı strategıasyna qoldandy. 

Stalın, Cherchıll jáne Trýmen úshtigi Germanıadaǵy Potsdam kelisimi kezinde nemis terıtorıasyn qalaı basqarýǵa bolatyny týraly birneshe kezdesý ótkizdi jáne Trýmen Stalınge Troısa synaǵy –ıadrolyq qarýdyń alǵashqy jarylýy sátti ótkenin habarlady. Synaq 1945 jylǵy 15 tamyzda Manhetten jobasy kezinde bolǵan. 

Bul Keńes Odaǵyna ıadrolyq qarý týraly alǵashqy resmı habarlama boldy. AQSH delegattary sol kezde Stalınniń sabyrly reaksıasyna tań qalǵan. "Sebebi, ıadrolyq synaq týraly Stalın Los-Alamostaǵy shpıondardan bilip alǵan" dep jazdy anglıalyq The Express basylymy.

Kezdesýden keıin Trýmen AQSH-tyń sol kezdegi generaly Dýaıt Eızenhaýerge jańa jospar qurýdy tapsyrǵan. Jospar boıynsha synaqtan ótkizilgen atom arsenaldarymen Keńes Odaǵynyń 20 qalasyn joıý kerek boldy.

Máskeý, Lenıngrad jáne Stalıngrad atý núktelerinde bolǵan. Áskerı josparlaýshylar barlyq iri Keńes qalalaryn kútpegen jerden joıý kerektigin málimdegen.

20-dan 30-ǵa deıingi atom bombalaryn jarý josparlanǵan. Bul Reseıdiń kartadan óshirilýine jetkilikti dep eseptelgen.