15000 teńge. Túrkistan oblysynda komýnaldyq tólemge ótinimdi qalaı berýge bolady?

/image/2020/05/15/crop-5_4_290x536_komuslugi-zatraty.png

QR Prezıdentiniń tapsyrmasyn oryndaý maqsatynda Túrkistan oblysynda komýnaldyq qyzmetter úshin tólemder óteletin bolady. Tólemderdi óteý sanatyna jatatyn azamattarda nemese onymen birge turatyn onyń otbasy múshelerinde komýnaldyq qyzmetterdiń derbes shottary bolýǵa tıis.

Tómendegi sanattarǵa jatatyn azamattar ótinish bergen komýnaldyq qyzmetterdi jetkizýshimen shart osy otbasy músheleriniń biriniń atynda bolýy kerek.

- 1, 2 jáne 3 toptaǵy múgedekter;

- Uly Otan soǵysynyń múgedekteri men qatysýshylary jáne Uly Otan soǵysynyń múgedekteri men qatysýshylaryna teńestirilgen adamdar;

- múgedek balalardy tárbıeleýshi otbasylar; kópbalaly otbasylar;

- eń tómen jáne az zeınetaqy alatyn zeınetkerler;

- memlekettik nemese qoǵamdyq mindetterin, áskerı qyzmetin oryndaý kezinde, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan (qaıtys bolǵan) adamdardyń otbasylary;

- ataýly áleýmettik kómek alatyn azamattar, onyń ishinde jalǵyz basty zeınetkerler jatady.

Komýnaldyq qyzmetterdi tóleý boıynsha tutynýshylar (nemese olardyń zańdy ókilderi) «Telegram» messendjeri arqyly «SmartTurkistanBot» boty arqyly nemese aýdandar men qalalardaǵy call-ortalyqtar arqyly jeke sáıkestendirý nómirin, áleýmettik mártebesin jáne komýnaldyq qyzmet boıynsha derbes shotynyń derekterin usyna otyryp, ótinish bere alady.

Joǵarydaǵy atalǵan sanattarǵa jatatyn tutynýshylarǵa 15 myń teńgeden 2 aı (sáýir, mamyr) merzimi úshin tólem júrgiziletin bolady. Atalǵan kómekti alýǵa ótinim bildirý mamyr-maýsym aılary aralyǵynda qabyldanady.

Aıta keteıik, Telegram messendjerinde bot tabý úshin izdeý jolynda @SmartTurkistanBot terip, «Bas mázir» batyrmasyn basý qajet.

Bul qyzmet halyqtyń áleýmettik jaǵynan osal toptaryna ǵana usynylady.

Túrkistan oblysy ákiminiń baspasóz qyzmeti

15000 teńge. Túrkistan oblysynda komýnaldyq tólemge ótinimdi qalaı berýge bolady?

Qatysty tegter :

Pikir qaldyrý

Qatysty Maqalalar