Jaǵajaı men demalys bazalary jumysyn qaıta bastaıdy.
Bul týraly oblystyq qoǵamdyq komýnıkasıa ortalyǵynda ótken brıfıńte Aqtaý qalalyq kásipkerlik jáne ónerkásipti damytý bóliminiń bas mamany Áset Óteǵalıev málimdedi.
Mańǵystaý oblysynyń aýmaǵynda karantındik sharalardy kezeń-kezeńimen jeńildetý jumystary júrgizilýde.Osyǵan oraı, oblystyń bas sanıtar dárigeriniń qaýlysyna sáıkes, Mańǵystaý oblysynda 1 maýsym kúninen bastap jeńildetiletin karantındik sharalar jáne jumystaryn jandandyratyn birqatar kásipkerlik nysandarynyń tizimi jasaqtaldy. Atap aıtatyn bolsaq:
- Sport zaldardaǵy sporttyq jattyǵýlarǵa jumys reglamentin shekteýsiz, ǵımarat ishindegi adam sanyn 30%-ǵa deıingi syıymdylyqpen qamtı otyryp ruqsat etiledi;
- Qoǵamdyq tamaqtaný oryndaryna, kafeler men restorandarǵa (toıhanalardy qospaǵanda) 50 otyratyn orynnan asyrmaı, epıdemıaǵa qarsy sharalardy jáne ara qashyqtyqty qatań saqtaı otyryp saǵat 23:00-ge deıin jumys jasaýǵa ruqsat etiledi;
- Jaǵajaı jáne demalys bazalary epıdemıaǵa qarsy sharalardy qatań saqtaı otyryp jumystaryn bastaıdy;
- Qoǵamdyq monshalarǵa jáne SPA ortalyqtaryna ishindegi adam sanyn 30%-ǵa deıingi syıymdylyqpen qamtı otyryp jumys jasaýyna ruqsat beriledi;
- Saýda oıyn-saýyq ortalyqtary saǵat 9:00 – 22:00 aralyǵynda qyzmetterin jalǵastyrady. Biraq, kınoteatrlar men balalardyń oıyń alańdaryna jáne muz aıdyndaryna ýaqytsha ruqsat etilmeıdi.