Almaty oblystyq ishki saıasat basqarmasynyń qoldaýymen «Halyk» qaıyrymdylyq qorynan bólingen gýmanıtarlyq kómek Sarqan aýdanynyń az qamtylǵan kómekke muqtaj jandarǵa taratyldy.

Aýdan boıynsha kópbalaly, az qamtylǵan otbasylarǵa, tómengi zeınetaqy alatyndar men múgedek sanatyna jatqyzylǵan 133 otbasyǵa 3 qoraptan, jalpy 399 qorap azyq-túlik pen 665 lıtr kúnbaǵys maıy tabystaldy.

Berilgen jınaq quramynda un, makaron, ósimdik maıy, kúrish, qaraqumyq, qant, shaı men táttiler bar. «Halyk» qaıyrymdylyq qorynan kelgen azyq-túlik jınaǵyn, aýdan eriktileri meken-jaı boıynsha árbir otbasyǵa jetkizip berdi.

Aıta ketken jón, tótenshe jaǵdaı jarıalanǵaly Sarqan aýdany boıynsha jeke kásipkerlerdiń qoldaýymen 250 otbasyǵa 6 mln.500 myń teńgeden astam qarjyǵa áleýmettik azyq-túlik taratylǵan.

Sonymen qatar, «Arlan» sharýa qojalyǵy 1 mln.teńge bolatyn qolǵa arnalǵan antıseptık taratyp berdi. «Halyk» qaıyrymdylyq qoryna aýdan turǵyndary atynan shynaıy alǵys bildiremiz!