Batys Qazaqstan, Mańǵystaý jáne Qyzylorda oblystarynda karantın erejeleri kúsheıtilýi múmkin, dep habarlaıdy Qamshy.kz aqparat agenttigi premer-mınıstrdiń saıtyna silteme jasap.

Premer-mınıstrdiń orynbasary Eraly Toǵjanovtyń tóraǵalyǵymen ótken Koronavırýs ınfeksıasynyń taralýyna jol bermeý jónindegi vedomstvoaralyq komısıanyń kezekti otyrysynda elimizdegi qazirgi epıdemıologıalyq jaǵdaı, halyqty jeke qorǵaný quraldarymen qamtamasyz etý, sheteldegi QR azamattaryn elge qaıtarýdy uıymdastyrý jáne basqa da ózekti máseleler qaraldy.

Densaýlyq saqtaý mınıstri Eljan Birtanov óz baıandamasynda keıbir óńirlerde qarantın sharalaryn jeńildetý koronavırýspen aýyrǵandar sanynyń kóbeıýine sebep bolǵanyn atap ótti.

Premer-mınıstrdiń orynbasary Batys Qazaqstan, Qyzylorda, Mańǵystaý oblystaryákimdikterine óńir boıynsha sanıtarlyq-epıdemıologıalyq talaptardyń oryndalýyna baqylaýdy kúsheıtýdi, onyń ishinde shekteý sharalaryn kúsheıtý múmkindigin qarastyrýdy tapsyrdy.

– Óńir ákimdikteri sanıtarlyq-epıdemıologıalyq talaptardyń oryndalýyn qatań baqylaýda ustaýy tıis. Talaptardy oryndamaǵan bıznes sýbektileriniń qyzmetin anyqtalǵan kemshilikterdi ornyna keltirgenshe ýaqytsha toqtatý qajet. Bul sharalar azamattarymyzdyń qaýipsizdigin qamtamasyz etý úshin asa mańyzdy, – dedi Eraly Toǵjanov.