QR Tuńǵysh Prezıdenti N.Nazarbaevtyń tapsyrmasyna sáıkes  «El úmiti» bastamasy aıasynda «Elbasy Akademıasy»  Korporatıvtik qory júzege asyratyn «Elbasy medali» jobasy týraly qoǵamdyq komýnıkasıa ortalyǵynda ótken brıfıńte málim boldy.

Atalǵan baǵdarlamanyń negizgi sımvoly - jetistiktiń 7 jebesine balanǵan. Ol - jasóspirimderdiń qabiletin damytýǵa, jas qazaqstandyqtardyń rýhyn bıik ustaýǵa, jańa urpaqtyń básekege qabilettiligin arttyrýǵa arnalǵan 7 baǵyt. Bul  - sport, daryndylyq pen daǵdyny damytý, kitap oqý, volonterlik, ulttyq mura, týrısik jáne jumys tájirıbesi. Máselen sport bolsa, onyń túrin qatysýshy ózi tańdaıdy.

-«Baǵdarlama 14 pen 29 jas aralyǵyndaǵy balalar men jastarǵa arnalǵan. Ol  úsh deńgeıde bolady: qola, kúmis jáne altyn. Qola 14 jastan bastap, kúmis 15 jastan bastap, altyn 16 jastan bastap  qatysýshylarǵa belgilenetin bolady.  Ár deńgeıde qatysýshylardyń sabaq uzaqtyǵy men jıiligine qoıylatyn talaptar usynylǵan. Ár deńgeıde qatysýshylardyń sabaqtarynyń uzaqtyǵy men jıiligine talaptar qoıylady. Qola deńgeıge jetý úshin 6 aı, kúmiske 12 aı jáne altynǵa 18 aı qajet», - dedi «Elbasy Medali» jobasy boıynsha Mańǵystaý oblysynyń úılestirýshisi Dıdar Bóltirik.

          «Elbasy Medali» jobasyna jas ereksheligi boıynsha kez-kelgen adam, turǵylyqty jerine jáne áleýmettik mártebesine qaramastan kez-kelgen jaǵdaıda qatysa alady jáne ózderiniń jetistikterin baǵalaıtyn tálimgerlermen aralasady. Sonymen birge, qatysýshy kún saıyn óziniń fızıkalyq jaǵdaıyn jaqsartyp, daǵdysyn damyta otyryp, aınalasyndaǵylarǵa kómegin tıgize alady. Qazirgi jaǵdaıda adamnyń jetistigi tek qana kásibı deńgeıde ǵana emes.  Jumsaq daǵdylardyń soft skills (emosıonaldy ıntellekt, kóshbasshylyq, jaýapkershilik, ózin-ózi basqarý, beıimdelý jyldamdyǵy, ádeptilik jáne t.b.) bolýy mamanǵa degen suranysty, onyń básekege qabilettiligin arttyrady.  «Elbasy Medali» baǵdarlamasy - qatysýshylardyń osyndaı qasıetterin arttyrýǵa baǵyttalǵan.

Baǵdarlamaǵa qatysý arqyly jastar óz ýaqyttaryn basqarýdy, aldyna maqsat qoıýdy jáne olarǵa júıeli túrde qol jetkizýdi úırenedi; salaýatty ómir saltyn ustanatyn bolady jáne ózin-ózi únemi damytady. Kórsetilgen nátıjeler negizinde baǵdarlama qatysýshylary altyn, kúmis jáne qola medaldermen marapattalady.

Qazaqstan Respýblıkasynyń zańnamasynda belgilengen tártip boıynsha, eger jınaǵan baly ózgelermen teń bolǵan jaǵdaıda,  «Elbasy medaliniń» ıegerleri bilim grantyn alýǵa,  sonymen qatar joǵary bilimi bar kadrlardy daıarlaýǵa arnalǵan memlekettik bilim berý tapsyrysy boıynsha bilim alyp jatqandardyń quramyna enýge quqyly.  Baǵdarlamaǵa qatysý úshin me.fpp.kz saıtynda tirkelý qajet.