Almaty qalasy Medeý aýdany ákiminiń orynbasary Berik Soltanbaev Almaty qalasynyń óńirlik komýnıkasıalar qyzmetiniń alańynda ótken onlaın baspasóz konferensıasynyń barysynda 20-21 maýsym jappaı dezınfeksıalaý kezinde qandaı nysandardyń qyzmeti toqtatylatynyn habarlady.

Eske sala keteıik, Qalalyq komısıanyń koronavırýs ınfeksıasynyń taralýyn boldyrmaý boıynsha sheshimine baılanysty Almatyda 20-21 maýsym kúnderi qaladaǵy epıdemıologıalyq jaǵdaıdy turaqtandyrý úshin jappaı dezınfeksıalaý sharalary júrgiziledi.

– Medeý aýdanynda búgin jáne erteń barlyq oıyn-saýyq ortalyqtarynyń, saýda ortalyqtarynyń, saýda úıleriniń, bazarlardyń, sýpermarketterdiń, fıtnes-ortalyqtar men stadıondardyń qyzmeti toqtatylady. Sondaı-aq, saıabaqtar, skverler,býlvarlar, jaǵalaýlar men basqa da qoǵamdyq oryndarǵa da barýǵa bolmaıdy, – dep habarlaǵan Berik Soltanbaev Shymbulaq taýly kýrorty, Medeý bıik taýly muz aıdyny, Kóktóbe, Býtakovka osy kezeńde kelýshiler úshin jabyq bolatynyn atap ótti.

Medeý aýdanynyń aýmaǵynda 19 SOO, SO, SÚ, 2 bazar, 17 sýpermarket, 31 fıtnes ortalyq, 2 iri saıabaq jáne 20 skver bar. Barlyq kórsetilgen nysandarda dezınfeksıa júrgizý josparlanǵan. Óńdeý júrgizý úshin adamdar men janýarlar úshin qaýiptiligi tómen zattardyń 4 klasyna jatatyn preparattar qoldanylady. Saýda nysandarynyń dezınfeksıasy olardyń jekemenshik ıelerimen júzege asyrylady.

Sondaı-aq, qoǵamdyq tamaqtanýdyń 380 nysany. Olardyń ishinde 118 jazǵy alańdar bar. Qoǵamdyq tamaqtaný nysandaryna tek tapsyryspen aldyrý arqyly jáne sanıtarlyq-epıdemıologıalyq normalar men áleýmettik qashyqtyqty saqtaý arqyly jazǵy alańdardyń jumys isteýine ruqsat etilgen.

SOO ornalasqan jeke esigi bar dámhanalar men meıramhanalar shtattyq rejımde jumys isteı alady.

Koronavırýstyq ınfeksıanyń taralýyna jol bermeý maqsatynda burynda Almaty qalasynyń ákimi Baqytjan Saǵyntaevtyń tapsyrmasy boıynsha qalanyń barlyq aýdandarynda sanıtarlyq-epıdemıologıalyq qaýipsizdik sharalaryn saqtaýdy baqylaý boıynsha monıtorıńtik toptar quryldy.

– Almaty qalasy ákiminiń tapsyrmasyna sáıkes, ár aýdanda monıtorıńtik toptar quryldy. Búgingi tańda Medeý aýdanynyń aýmaǵynda 300-den astam nysan tekserildi. Onyń ishinde 114 nysan tártip buzýshylyqty qalpyna keltirgenge deıin jabyldy, – dep tolyqtyrdy Berik Soltanbaev.

Medeý aýdany ákiminiń orynbasary dezınfeksıa kezinde, aýdan boıynsha polısıa qyzmetkerlerimen patrúldeý kúsheıtiletinin aıtyp, sondaı-aq turǵyndardy kózdelgen sharalardy saqtaýǵa jáne karantın rejımin ustanýǵa shaqyrdy.