Koronavırýsqa qatysty ahýal jaqsarmasa Úkimettiń osy quramda jumys isteý múmkindigi týraly másele týyndaıdy. Bul týraly Úkimettiń keńeıtilgen otyrysynda prezıdent Qasym-Jomart Toqaev aıtty.
– Qazirgi epıdemıologıalyq ahýal qoǵamdy asa qatty alańdatyp otyr. Ahýal óte kúrdeli. Biraq alǵashqy oń úrdister de baıqalýda. Ótken aptada men Úkimet pen ákimderge birqatar tapsyrma berdim. Memlekettik komısıa óz jumysyn jandandyra tústi. Qalyptasqan ahýal eki aptadan keıin jaqsarady dep úmittenemin. Olaı bolmaǵan jaǵdaıda, jalpy Úkimettiń osy quramda jumys isteý múmkindigi týraly másele týyndaıdy, – dedi memleket basshysy.
