AQSH Qytaıǵa jumada Tehas shtatyndaǵy Hústondaǵy konsýldyǵyn jabýdy buıyrdy. Bul týraly BBC habarlady.

AQSH Memlekettik departamenti bul sheshim "amerıkalyq zıatkerlik menshikti qorǵaý maqsatynda" qabyldanǵanyn aıtty.

Biraq Qytaı SİM-niń ókili Van Venbın bul "ashýly jáne negizsiz" dep málimdedi.

Bul málimdeme belgisiz bireýler ǵımarat aýlasyndaǵy qoqys jáshigine qaǵaz jaǵyp jatqannan keıin paıda boldy.

Áleýmettik jelilerde Hústondaǵy konsýldyqtyń aýlasynda adamdar barabandarǵa qaǵaz jaǵyp jatqany týraly beınerolıkter tarady.

KPRC2 telekanalynyń habarlaýynsha, jergilikti turǵyndardyń qońyraýlarynan keıin oqıǵa ornyna jedel qyzmetter kelgen, biraq ǵımaratqa kire almaǵan.

Hústondaǵy Qytaı konsýldyǵyna jaqyn mańdaǵy ǵımarattardaǵy kýágerlerdiń aıtýynsha, adamdar qoqys qaǵazdardy órtep jatqan.

Húston órt sóndirý bóliminiń bastyǵy Semúel Penan ABC telearnasyna: "Qytaı konsýldyq mekemesiniń aýlasyndaǵy konteınerde ashyq túrde birdeńe órtep jatqan sıaqty... biraq bizge kirýge ruqsat bermedi... Biz baqylap otyramyz" degen.

Keıbir BAQ-tar aty atalmaǵan sheneýniktiń sózine súıenip, "konsýldyq qyzmetkerleri juma kúni jergilikti ýaqyt boıynsha saǵat 16-da ǵımarattan shyǵarylady" dep málimdegen.

Hústondaǵy konsýldyq 1979 jyly ashylǵan jáne qytaı qoǵamdastyǵy kóp jerde ornalasqan. 

Ókildik Tehas, Oklahoma, Lýızıana, Arkanzas, Mıssısıpı, Alabama, Djordjıa, Florıda jáne Pýerto-Rıko sekildi segiz shtattyń konsýldyq máselelerin sheshedi.

Biraz ýaqyttan beri AQSH pen Qytaı arasynda shıelenis kúsheıe tústi. Prezıdent Donald Tramptyń ákimshiligi Beıjińdi saýda jáne koronavırýstyq pandemıaǵa qatysty birneshe ret aıyptaǵan, sondaı-aq Qytaı Gonkongqa qaýipsizdik týraly daýly jańa zań qabyldady.

Sodan keıin seısenbide AQSH ádilet mınıstrligi Qytaıdy "Kovıd-19 vaksınalaryn jasaıtyn zerthanalarǵa baǵyttalǵan hakerlerge demeýshilik jasady" dep aıyptap, AQSH zertteý kompanıalaryna tyńshylyq jasaǵan jáne basqa urlyq úshin memlekettik agentterden kómek alǵan eki Qytaı azamatyn aıyptady.

Oǵan qosa, Tramp Qytaıdyń Shyńjań provınsıasyndaǵy etnıkalyq qazaqtar men uıǵyrlardyń qysymǵa ushyraýyna qatysy bar 50-ge jýyq qytaılyq kompanıaǵa sanksıa saldy.