Qazaqstan densaýlyq saqtaý mınıstrliginiń 25 shilde tańerteńgi deregi boıynsha, ótken táýlikte elde 1740 adamnan koronavırýs tabylǵan. Vedomstvo olardyń 816-synda aýrýdyń klınıkalyq belgileri joq ekenin habarlady. 

Mınıstrlik taratqan aqparatqa qaraǵanda ótken táýlikte COVID-19 juqtyrǵandar jóninen Nur-Sultan qalasy kósh basynda. Sońǵy táýlikte el astanasynda 251 adamnyń KVI juqtyrǵany anyqtalǵan. Al eldiń eń iri qalalarynyń biri Almatyda 220 adamnan ınfeksıa tabylǵan. 

Sońǵy resmı aqparatqa saı, elde naýryzdan beri eseptegende 80 myńnan asa adamǵa COVID-19 juqqan. Osy ýaqytqa deıin olardyń 50 myńǵa jýyǵy aýrýynan jazylyp shyqty, 535-i kóz jumdy.

Sońǵy kórsetkishti esepke alǵanda Qazaqstan koronavırýs juqtyrǵandar sany jóninen álem elderiniń arasynda 27-orynda tur.