Almaty oblysy Kerbulaq aýdanyna 15 ottegi apparatyn syılaǵan jomart jan óziniń esimin jasyryn qaldyrýdy surady. Sondaı-aq, jaqyn arada taǵy 5 apparat jetkiziletin bolady. Osymen aýrýhanaǵa qajettiligi tolyǵymen óteledi.
– Aýdandaǵy epıdahýal búgingi tańda, koronavırýs ınfeksıasyn juqtyrǵan 67 adam tirkeldi. Onyń 17-si sımptomdy. Olar oblystyq operatıvti shtab bekitken aımaqqa em qabyldaýǵa jiberildi. Al aýdandyq aýrýhanada 55 naýqas pnevmonıadan emdelýde, onyń 5-i jan saqtaý bóliminde jatyr. Sondyqtan ottegi konsentratory bizge óte qajet bolatyn. Qurylǵynyń múmkindigi zor. Atalǵan apparattardy bir táýlikte jetkizip, kómek kórsetken demeýshige aýdan turǵyndary atynan jáne dárigerler atynan aıtar alǵysymyz sheksiz. Endi dárigerler emdelýshilerge ottegi konsentratorynyń kómegimen ýaqytyly járdem kórsete alady, – dedi Ortalyq aýdandyq aýrýhananyń dırektory Qaırat Erjanov.
Aýdandyq aýrýhanada alǵashynda 35 provızorlyq, 35 observasıalyq oryn bolǵan, qazir bul 90 orynǵa deıin kóbeıtildi. İndetpen kúreske 100-ge jýyq medısına qyzmetkerleri jumyldyryldy.
Aıdar QALIEV
Almaty oblysy
Pikir qaldyrý