Búgin saǵat 19:50-de "Qazaqstan" Ulttyq telearnasynan Álem chempıony, Olımpıada chempıony, Jaqsylyq Úshkempirov týraly "Jaqsylyq" kórkem fılmi kórsetiledi.

QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy "Qazaqfılm" AQ túsirgen fılm Tokıo Olımpıadasy qarsańynda elde jáne shet memleketterde de kórsetiledi dep josparlanǵan.

Alaıda álemdik koronavırýs pandemıasyna baılanysty kınoteatrlardaǵy kórsetilimi keıinge shegerilip keldi.

"Qazaqstan» teleradıokorporasıasy QR mádenıet jáne sport mınıstrligine kórkem týyndyny telekórermenge usyný quqyǵyn bergeni úshin alǵys bildiredi. "Qazaqstan" teleradıokorporasıasy budan bólek búgin Jaqsylyq Úshkempirovtyń qatysýymen túsirilip, beıneqorda saqtalǵan "Kelbet", "Dara jol", "Sen de bir kirpish dúnıege..." habarlaryn usynady.

Derekkóz: QazAqparat