Belorýs prezıdenti Aleksandr Lýkashenko óziniń saılaýaldy baǵdarlamasynda aldaǵy 5 jylda referendým arqyly konstıtýsıany ózgertýge ýáde berdi. Bql týraly euroradio.fm saıty habarlady.
"Belorýstikter jalpyhalyqtyq talqylaý arqyly óziniń quqyǵyn, erkindigin, mindetin jáne memlekettik organdardyń ókilettiligin anyqtaıtyn bolady" delingen Lýkashenkonyń baǵdarlamasynda.
Sondaı-aq ol el konstıtýsıasyna prezıdenttikke áskerde bolǵan adam ǵana úmitker bola alatyndaı ózgeris engizýdi usynyp júr.
9 tamyz kúni Belarýste prezıdent saılaýy ótedi. 1994 jyldan beri bılikte otyrǵan Lýkashenko ózin altynshy merzimge usynyp otyr. Alaıda sońǵy kezde elde oǵan qarsy aksıalar kóbeıgen. Qarsy tarap prezıdenttiń áleýmettik-ekonomıkalyq saıasaty synǵa alýda.
30 shilde kúni elde eń iri mıtıńterdiń biri ótti. Oǵan 63 myń adam qatysqan.
Pikir qaldyrý