Eldegi jaǵdaıǵa baılanysty "Rýhanı jańǵyrý" baǵdarlamasynyń "Týǵan jer" baǵyty boıynsha aýdan turǵyndary men atqaminer azamattary ıgi bastama kóterip, medısınalyq mekemelerge qoldaý kórsetý sharalaryn bastap ketti.

Úrjar aýdandyq máslıhatynyń depýtaty, kásipker Aqpekov Muhamethannyń muryndyq bolýymen jáne aýdandaǵy kásipker azamattardyń qoldaýymen "Úrjarǵa kómek" atty qaıyrymdylyq  qory qurylyp, jınalǵan qarajatqa 20 mln. teńgeniń qural-jabdyqtary men dári-dármekteri aýrýhanalarǵa taratyldy. Sonymen qatar osy aýdannan shyqqan mesenat, "Atamura" korporasıasynyń prezıdenti Rahymǵalı Abraruly Qul-Muhammed  Maqanshy aýdanaralyq aýrýhanasyna jalpy quny 10 mln. teńge turatyn ottegi konsentrattaryn, qorǵanysh quraldaryn syıǵa tartyp, 1 mln.teńge qarajatty "Úrjarǵa kómek" qoryna aýdardy. Aýdan týmasy, kásipker Qusman Shalabaev ta bul bastamadan shet qalmaı, 1 mln. teńge kóleminde qarjylaı qoldaý kórsetti. Igi bastamaǵa aýdannan shyqqan sportshylar da úlesterin qosýda. Atap aıtsaq palýan Áset Mámbetov týǵan jeri Altynshoqy aýylynyń turǵyndaryna dári-dármekte alyp berdi. Kóldeneń aýylyndaǵy "Iýbıleınyı" JSHS seriktestigi tarypynan Úrjar aýylynda ornalasqan aýdanaralyq aýrýhananyń  provızorlyq  bóliminde em qabyldap jatqan azamattardyń densaýlyǵyn kóterý maqsatynda qomaqty mólsherde qymyz jáne et ónimderi tabys etildi.  "Jumyla kótergen júk jeńil" degen  naqyldy tý  etken aýdan azamattary búgingi kúnge deıin 12 aýyldyq okrýgte, atap aıtsaq: Úrjar, Maqanshy, Altynshoqy, Eltaı, Joǵarǵy Eginsý, Kókózek, Qaraqol, Taskesken, Baqty, Qabanbaı, Qaratuma aýyldarynda ornalasqan medısınalyq mekemelerge jalpy somasy 40 mln. teńgege jýyq qarajattyń medısınalyq qural-jabdyqtary men dári-dármekterin tabys etti. Sonymen birge "Halyqtan halyqqa" qaıyrymdylyq qory da úrjarlyqtarǵa demeýshilik kórsetip, medısınalyq qurylǵylar men dári-dármekter túrindegi kómekterin berýde.

Aldaǵy ýaqytta bul baǵyttaǵy jumystary jalǵasyn tabady.