Sheteldegi "Qazaqstan stýdentter Alánsy" tarapynan sheteldegi qazaq ultynyń azamattaryn Qazaqstanda oqytýǵa qoldaý kórsetý máselesi kóterilgen bolatyn. Sondyqtan shetelde oqıtyn jastar, sizderge aqparat retinde jáne múmkindik bolsa, sol eldegi qarakóz jastarǵa aqparatty jetkize júrińizder!

Bilim jáne ǵylym mınıstrligi tarypynan jyl saıyn Qazaqstan Respýblıkasynyń azamaty bolyp tabylmaıtyn ulty qazaq azamattardy oqytý úshin Qazaqstan Respýblıkasynyń joǵary oqý oryndarynyń daıyndyq bólimderinde 1400 oryn bólinedi. Daıyndyq kýrsyn bitirgennen keıin joǵary oqý oryndaryna emtıhan tapsyryp, kvota sheńberinde bakalavrıat baǵdarlamasymen oqýǵa múmkindikteri bar.

Bıylǵy jyly Qazaqstan Respýblıkasy azamattary bolyp tabylmaıtyn ulty qazaq adamdarǵa jáne shetel azamattary úshin keshendi testileý:

- Mońǵolıada jáne Tájikstan Respýblıkasynda 2015 jylǵy 24-29 tamyz aralyǵynda;

- Ál-Farabı atyndaǵy Qazaq ulttyq ýnıversıteti, S.Amanjolov atyndaǵy Shyǵys Qazaqstan memlekettik ýnıversıteti, Semeı qalasynyń Shákárim atyndaǵy memlekettik ýnıversıteti, Jáńgir han atyndaǵy Batys Qazaqstan agrarlyq tehnıkalyq ýnıversıteti, E.A. Bóketov atyndaǵy Qaraǵandy memlekettik ýnıversıteti, M.H.Dýlatı atyndaǵy Taraz memlekettik ýnıversıteti, M.O.Áýezov atyndaǵy Ońtústik Qazaqstan memlekettik ýnıversıteti, Kókshetaý memlekettik ýnıversıteti bazasynda 2015 jylǵy 28 tamyz - 2 qyrkúıek aralyǵynda belgilendi.

Qazaqstan Respýblıkasy

Bilim jáne ǵylym mınıstrliginiń mamany

Aqerke Abylaıhanqyzynyń Facebook paraqshasynan