Qaraǵandy ​​qalasy ákiminiń orynbasary Jaqsylyq Shalabekov 107 mıllıon teńge búdjet qarajatyn jymqyrdy degen kúdikpen eki aıǵa qamaýǵa alyndy. Bul týraly vlast.kz tilshisi habarlady. 

Qaraǵandy ​​oblysy prokýratýrasynyń habarlaýynsha, "Nurly jer" baǵdarlamasy boıynsha úı salýǵa 107 mıllıon teńge bólingen.

Prokýratýranyń resmı málimdemesinde "Jaqsylyq Shalabekov Qazaqstan Respýblıkasynyń Qylmystyq kodeksiniń 189-babynyń 4-bóliginde kórsetilgendeı, bir toppen sóz baılasyp, qylmystyq quqyq buzýshylyq jasaǵany úshin aıyptalady. Iaǵnı, kúdikti 2018 jyly "Nurly jer" memlekettik baǵdarlamasy boıynsha Qaraǵandy ​​qalasynda iri paneldi turǵyn úıler salýǵa bólingen búdjettik qarajatty jymqyryp, qylmystyq quqyq buzýshylyq jasaýy múmkin" delingen.

Sottyń maquldaýymen ákim orynbasary eki aıǵa qamaýǵa alynǵan. Tergeý isi oblystyq prokýratýra basshylyǵynyń erekshe baqylaýynda.