Premer-mınıstrdiń orynbasary Eraly Toǵjanovtyń tóraǵalyǵymen ótken vedomstvoaralyq komısıa otyrysynda eldegi karantın sharalary jeńildep, demalys kúnderi keı nysandardyń jumysyn qaıta bastaýyna ruqsat berilgeni habarlandy.

Sanıtarlyq-epıdemıologıalyq ahýaldy turaqtandyrý jáne jumys kúnderi kelýshilerdiń aǵynyn azaıtý maqsatynda demalys kúnderi myna nysandar óz jumysyn qaıta bastaıdy: 

• Sulýlyq salondary, shashtarazdar, kosmetıkalyq qyzmet kórsetetin obektiler (infokazakhstan.kz portalynda tirkelý, aldyn ala jazylý boıynsha 1 kelýshige  4 sh. m.);
• Fıtnes-ortalyqtary, sporttyq-saýyqtyrý ortalyqtary, trenajer zaldary, sport keshenderi, SPA-salondar, saýnalar, baseınder (infokazakhstan.kz portalynda tirkelý, tolymdylyǵy 30% aspaıtyn, biraq 50 adamnan artyq emes, aldyn ala jazylý, maska rejımin, áleýmettik qashyqtyqty saqtaý);
• Dinı nysandar (jeke, ujymdyq is-sharalar ótkizbeı).

Sonymen qatar, memlekettik organdardyń, "Atameken" UKP jáne otandyq taýar óndirýshilerdyń talqylaýdyń qorytyndysy boıynsha bir ret qoldanylatyn medısınalyq maskalardyń shekti bólshek saýdadaǵy baǵasy 80 teńgeden 60 teńgege deıin, ıaǵnı 25%-ǵa tómendetildi.