Qazaqstan prezıdenti Qasym-Jomart Toqaev jumys saparymen Almaty qalasyna keldi. Bul týraly prezıdenttiń baspasóz-hatshysy Berik Ýálı facebook paraqshasynda habarlady.
"Memleket basshysy Qasym-Jomart Toqaev jumys saparymen Almaty qalasyna keldi. Sapar barysynda Qazaqstan Prezıdenti qalalyq klınıkalyq juqpaly aýrýlar aýrýhanasynyń jańa fılıalymen tanysady jáne medısına qyzmetkerlerimen áńgimelesedi. Sonymen qatar bilim berý ortalyǵyn, ındýstrıalyq jáne ınfraqurylymdyq nysandardy aralap kóredi dep josparlanǵan.
Budan bólek Qasym-Jomart Toqaev Almatyda qoǵam qaıratkerlerimen jáne Ulttyq qoǵamdyq senim keńesiniń múshelerimen birqatar kezdesý ótkizedi" delingen jazbada.
Pikir qaldyrý